‘ രാംലല്ലയുടെ മനോഹരമായ ദർശനം ലഭിച്ചു’ ; നെറ്റിയിൽ ‘ശ്രീ റാം’ എഴുതി അയോദ്ധ്യ ദർശനത്തിനെത്തി ലക്ഷ്മി മേനോൻ

മലയാളികൾക്ക് ഏറെ പ്രിയങ്കരനാണ് നടനും അവതാരകനുമാണ് മിഥുൻ രമേശ്. സോഷ്യൽ മീഡിയ താരങ്ങളിൽ പ്രധാനിയാണ് മിഥുന്റെ ഭാര്യ ലക്ഷ്മി മേനോൻ. സോഷ്യൽമീഡിയ ഇൻഫ്ലുവൻസറായ ലക്ഷ്മിയുടെ വീഡിയോയ്‌ക്ക് ആരാധകർ ഏറെയാണ്. മകൾ തൻവിയും മിഥുനും പലപ്പോഴും ലക്ഷ്മിയോടൊപ്പം വീഡിയോയിൽ പ്രത്യക്ഷപ്പെടാറുണ്ട്.

ഇപ്പോഴിതാ, അയോദ്ധ്യയിലെത്തി രാംലല്ലയെ ദർശിച്ച ചിത്രങ്ങളാണ് ലക്ഷ്മി മേനോൻ സമൂഹമാദ്ധ്യമങ്ങളിൽ പങ്കുവച്ചിരിക്കുന്നത്. ലക്ഷ്മിയോടൊപ്പം മകൾ തൻവിയും അമ്മയും ഉണ്ടായിരുന്നു. ‘ഒടുവിൽ രാംലല്ലയുടെ മനോഹരമായ ദർശനം ലഭിച്ചു’ എന്ന അടിക്കുറിപ്പോടെയാണ് ലക്ഷ്മി മേനോൻ ചിത്രങ്ങൾ പങ്കുവച്ചത്.നെറ്റിയിൽ ‘ശ്രീ റാം’ എന്നെഴുതി രാംലല്ലയെ ദർശിക്കുന്ന മൂവരുമാണ് ചിത്രങ്ങളിലുള്ളത്.

മുമ്പ്, മിഥുന് പിടിപ്പെട്ട ബെല്‍സ് പാൾസി എന്ന രോഗം മാറുന്നതിനായി ലക്ഷ്മി തിരുപ്പതിയില്‍ തലമുണ്ഡനം ചെയ്യാമെന്ന് നേർച്ച നേർന്നതും ഇതിനെ തുടർന്ന് തല മുണ്ഡനം ചെയ്തതും ഏറെ ശ്രദ്ധ നേടിയിരുന്നു.