ന്യൂദല്‍ഹി: ഹരിയാനയില്‍ മുഖ്യമന്ത്രിയായി ചുമതലയേറ്റതിനു പിന്നാലെ ആദ്യ തെരഞ്ഞെടുപ്പു വാഗ്ദാനം പാലിച്ച് നയാബ് സിങ് സെയ്‌നി.
സംസ്ഥാനത്തെ എല്ലാ സര്‍ക്കാര്‍ ആശുപത്രികളിലും ഗുരുതര വൃക്ക രോഗികള്‍ക്ക് ഡയാലിസിസ് സേവനങ്ങള്‍ ഇനി സൗജന്യമാകും. ഡയാലിസിസ് ചെലവ് സര്‍ക്കാര്‍ വഹിക്കും. ഇതുമായി ബന്ധപ്പെട്ട ഫയലിലാണ് ഓഫീസിലെത്തി ചുമതലയേറ്റ ശേഷം സെയ്‌നി ആദ്യം ഒപ്പുവച്ചത്. ഭാവിയില്‍ എല്ലാ മെഡിക്കല്‍ കോളജ് ആശുപത്രികളിലും സൗജന്യ ഡയാലിസിസ് സൗകര്യമൊരുക്കുമെന്നും സര്‍ക്കാര്‍ പത്രക്കുറിപ്പില്‍ വ്യക്തമാക്കി.
ഹരിയാനയിലെ എല്ലാ കുടുംബാംഗങ്ങളുടെയും പ്രതീക്ഷകള്‍ക്കൊത്തുയര്‍ന്ന് ഭരണം നടത്താന്‍ ആദ്യ മന്ത്രിസഭാ യോഗത്തില്‍ ടീം ഹരിയാന തീരുമാനിച്ചതായി സെയ്‌നി എക്സില്‍ കുറിച്ചു.
ബിജെപിയുടെ പ്രകടന പത്രികയില്‍ പറഞ്ഞിരിക്കുന്ന എല്ലാ വാഗ്ദാനങ്ങളും സമയബന്ധിതമായി നിറവേറ്റുമെന്നും അദ്ദേഹം കുറിച്ചു.
പ്രതികരിക്കാൻ ഇവിടെ എഴുതുക: