തിരുവനന്തപുരം :കേരള സര്വകലാശാല കോളേജ് യൂണിയന് തെരഞ്ഞെടുപ്പിനിടെ വിദ്യാര്ഥികള് ഏറ്റുമുട്ടി. സംഘര്ഷത്തില് നിരവധിപേര്ക്ക് പരിക്കേറ്റു. പാങ്ങോട് മന്നാനിയ കോളേജ് തെരഞ്ഞെടുപ്പുമായി ബന്ധപ്പെട്ടാണ് സംഘര്ഷമുണ്ടായത്.
പരിക്കേറ്റവര് കടയ്ക്കല് ആശുപത്രിയില് ചികിത്സ തേടി. കോളേജ് യൂണിയന് തെരഞ്ഞെടുപ്പില് വിജയിച്ച കെഎസ്യു പ്രവര്ത്തകര് നടത്തിയ ആഹ്ലാദ പ്രകടനത്തിനിടെയാണ് സംഘര്ഷമുണ്ടായത്. എസ്എഫ്ഐയുടെ കൊടിയും ഫ്ളക്സ് ബോര്ഡുകളും തകര്ക്കാന് ശ്രമിച്ചെന്നാരോപിച്ചാണ് സംഘര്ഷം തുടങ്ങിയത്.
വിദ്യാര്ഥികളെ പിരിച്ചുവിടാന് പൊലീസ് ലാത്തിച്ചാര്ജ് നടത്തി. സംഘര്ഷത്തില് പൊലീസുകാരനും പരിക്കേറ്റു. സംഘര്ഷത്തെ തുടര്ന്ന് സ്ഥലത്ത് വന് പൊലീസ് സംഘം എത്തി.
