ആലപ്പുഴ : ബംഗളുരുവില്‍ നിന്നും കേരളത്തിലേക്ക് കടത്തി കൊണ്ടു വന്ന 1,01,01,150 രൂപയുടെ കുഴല്‍പ്പണം പിടികൂടി. സംഭവത്തില്‍ മൂന്നു പേരെ കായകുളം പൊലീസ് പിടികൂടി. ട്രെയിന്‍ മാര്‍ഗവും റോഡ് വഴിയും വന്‍ തോതില്‍ കുഴല്‍പ്പണം എത്തുന്നുവെന്ന രഹസ്യ വിവരം ലഭിച്ച പ്രകാരമായിരുന്നു പരിശോധന.
കരുനാഗപ്പള്ളി സ്വദേശികളായ നസീം, റമീസ് അഹമ്മദ്, നിസാര്‍ എന്നവരാണ് കായംകുളം റെയില്‍വേ സ്‌റ്റേഷനില്‍ പിടിയിലായത്. ആലപ്പുഴ ജില്ലാ ലഹരി വിരുദ്ധ സ്‌ക്വാഡും കായംകുളം പൊലീസും സംയുക്തമായാണ് പരിശോധന നടത്തിയത്.
പിടിയിലായവര്‍ പ്രവാസ ജീവിതം അവസാനിപ്പിച്ച് നാട്ടിലെത്തിയവരാണ്. ഇവര്‍ ഇതിനുമുമ്പ് പലപ്രാവശ്യവും കള്ളപ്പണം കടത്തിയിട്ടുണ്ടെങ്കിലും ആദ്യമായാണ് പിടിക്കപ്പെടുന്നത്.
പ്രതികരിക്കാൻ ഇവിടെ എഴുതുക: