ലക്നൗ : നവരാത്രി ഘോഷയാത്രയെ ആക്രമിക്കുകയും , ഹിന്ദു യുവാവിനെ ക്രൂരമായി കൊലപ്പെടുത്തുകയും ചെയ്ത പ്രതികളെ വെടിവച്ച് വീഴ്ത്തി യുപി പോലീസ്. സർഫറാസ് എന്ന റിങ്കു, താലിബ് എന്നിവരെയാണ് പോലീസ് ഏറ്റുമുട്ടലിലൂടെ പിടികൂടിയത്.
ഘോഷയാത്രയ്ക്കിടെ രാം ഗോപാൽ മിശ്രയെ വെടിവച്ചു കൊന്നത് സർഫറാസാണ് . അക്രമത്തിന് ശേഷം സർഫറാസ് ഒളിവിലായിരുന്നു. ഇതിനിടെ സർഫറാസ് നേപ്പാളിലേക്ക് രക്ഷപ്പെടാൻ പദ്ധതിയിട്ടിരുന്നതായി പോലീസിന് വിവരം ലഭിച്ചു. വ്യാഴാഴ്ച നേപ്പാൾ അതിർത്തിക്കടുത്തുള്ള ഹന്ദ ബസേഹാരിയിൽ പോലീസ് നിലയുറപ്പിച്ചു. നേപ്പാളിലേയ്ക്ക് കടക്കാനെത്തിയ പോലീസ് സർഫറാസിനെയും കൂട്ടാളി താലിബിനെയും വളഞ്ഞു. ഇരുവരോടും കീഴടങ്ങാൻ പൊലീസ് ആവശ്യപ്പെട്ടെങ്കിലും ഇരുവരും വെടിയുതിർക്കുകയായിരുന്നു. തിരിച്ച് പോലീസ് നടത്തിയ വെടിവെപ്പിലാണ് സർഫറാസിനും താലിബിനും പരിക്കേറ്റത് . പോലീസ് ഇരുവരെയും ആശുപത്രിയിൽ പ്രവേശിപ്പിച്ചു.
അതേസമയം, പൊലീസ് അഞ്ച് പ്രതികളെ അറസ്റ്റ് ചെയ്തതായി ക്രമസമാധാന ചുമതലയുള്ള എഡിജിപി അമിതാഭ് യാഷ് പറഞ്ഞു
