കൊച്ചി: അങ്കമാലിയിലെ ബാറില്‍ യുവാവ് കുത്തേറ്റ് മരിച്ച സംഭവത്തില്‍ അഞ്ച് പേരെ പൊലീസ് പിടികൂടി. കിടങ്ങൂര്‍ വലിയോലിപറമ്പില്‍ ആഷിക് മനോഹരനാണ് മരിച്ചത്.
ചൊവ്വാഴ്ച രാത്രി 11.30 ഓടെ അങ്കമാലിയിലെ ഹില്‍സ് പാര്‍ക്ക് ബാറില്‍ നടന്ന അടിപിടിക്കിടെയാണ് ആഷിക്കിന് കുത്തേറ്റത്. ആശുപത്രിയില്‍ എത്തിച്ചെങ്കിലും മരിച്ചു.
നേരത്തേ മഞ്ഞപ്രയിലുണ്ടായ അടിപിടിക്കേസുമായി ബന്ധപ്പെട്ട് അങ്കമാലി പൊലീസ് സ്‌റ്റേഷനില്‍ ആഷിക്കിനെ വിളിച്ചു വരുത്തിയിരുന്നു.
രാത്രി സ്‌റ്റേഷനില്‍ നിന്നിറങ്ങി ബാറിലെ എക്‌സിക്യൂട്ടീവ് കൗണ്ടറില്‍ ചെന്ന ആഷിക്കിന് കുത്തേറ്റു. കഴുത്തിലും, നെഞ്ചിലും വയറ്റിലുമാണ് കുത്തേറ്റത്. പൊലീസ് അങ്കമാലിയിലെ സ്വകാര്യ ആശുപത്രിയിലേക്ക് കൊണ്ടു പോകും വഴി മരണപ്പെട്ടു.
ബാംഗ്ലൂരില്‍ ഉപരിപഠനത്തിന് പോയ ആഷിക് പഠനം പൂര്‍ത്തിയാക്കാതെ ലഹരിക്കടിമപ്പെട്ടാണ് തിരികെ എത്തിയത്.പിന്നാലെ അടിപിടി, അക്രമം ലഹരി വില്പന തുടങ്ങിയ കേസുകളില്‍ പ്രതിയായി.
പ്രതികരിക്കാൻ ഇവിടെ എഴുതുക: