വയോധികയുടെ മാല പൊട്ടിച്ച യുവാവിനെ പിടികൂടി

തിരുവനന്തപുരം:വയോധികയുടെ മാല പൊട്ടിച്ചോടിയ യുവാവിനെ പൊലീസും നാട്ടുകാരും ചേര്‍ന്ന് പിടികൂടി. വെള്ളനാടാണ് സംഭവം.

ആറ്റിങ്ങല്‍ കിഴുവിലം സ്വദേശി രാജീവിനെ (35) ആണ് പിടികൂടിയത്. വെള്ളനാട് വാളിയറ മഠത്തിന് സമീപമാണ് കഴിഞ്ഞ ദിവസം വൈകുന്നേരം സംഭവമുണ്ടായത്.

വെള്ളനാട് മേപ്പാട്ടുമല പിള്ള വീട്ടില്‍ രാജമ്മ (72) യുടെ രണ്ടര പവനുളള സ്വര്‍ണമാലയാണ് പിടിച്ചു പറിച്ചത്. ഇതിന് ശേഷം സ്ഥലത്ത് നിന്ന് കടന്നുകളഞ്ഞ രാജീവിനെ ആര്യനാട് പൊലീസും നാട്ടുകാരും ചേര്‍ന്ന് തെരച്ചില്‍ നടത്തിയാണ് പിടികൂടയത്.