തിരുവനന്തപുരം: ശബരിമല പോലീസ് ചീഫ് കോർഡിനേറ്റർ സ്ഥാനത്തുനിന്ന് എഡിജിപി അജിത് കുമാറിനെ നീക്കി. പകരം പോലീസ് ചീഫ് കോ-ഓര്ഡിനേറ്ററായി എഡിജിപി എസ്.ശ്രീജിത്തിനെ നിയമിച്ചുകൊണ്ട് സർക്കാർ ഉത്തരവിറക്കി. അജിത് കുമാറിനെ ക്രമസമാധാന ചുമതലയില്‍ നിന്ന് മാറ്റിയതിന് പിന്നാലെയാണ് ശബരിമല കോ-ഓ‍ർഡിനേറ്റര്‍ സ്ഥാനത്തു നിന്നു കൂടി മാറ്റുന്നത്.
അജിത് കുമാറിനെ ശബരിമല കോ-ഓര്ഡിനേറ്ററായി നിയമിച്ച്‌ ജൂലൈയില്‍ ഇറങ്ങിയ ഉത്തരവാണ് ഡിജിപി ഇപ്പോള്‍ മാറ്റിയിറക്കിയത്.അജിത്ത് കുമാറിനെ മാറ്റണമെന്നാവശ്യപ്പെട്ട് തിരുവിതാംകൂര്‍ ദേവസ്വം ബോർഡ് കത്ത് നല്‍കിയിരുന്നു.
ഈ വർഷത്തെ ശബരിമല തീർത്ഥാടനം ആരംഭിക്കാൻ ഇരിക്കെയാണ് പരിഷ്കാരം. ശബരിമലയിലെ പൊലീസ് ഡ്യൂട്ടിയും ക്രമസമാധാനവും ഉള്‍പ്പെടെയുള്ള കാര്യങ്ങള്‍ ഏകോപിപ്പിക്കുന്നതിനായി പൊലീസ് ഹെഡ് ക്വാട്ടേഴ്സിലെ എഡിജിപിയെ നിയമിക്കുകയാണെന്നാണ് ഉത്തരവിലുള്ളത്.
പ്രതികരിക്കാൻ ഇവിടെ എഴുതുക: