പന്തളം: ശബരിമല, മാളികപ്പുറം ക്ഷേത്രങ്ങളിലെ മേല്‍ശാന്തിമാരെ നറുക്കെടുക്കുന്നതിനായി പന്തളം കൊട്ടാരത്തിലെ ഋഷികേശ് വര്‍മയും വൈഷ്ണവിയും ഇന്ന് സന്നിധാനത്തേക്ക് പുറപ്പെടും.
പന്തളം കൊട്ടാരം വലിയ തമ്പുരാന്റെയും വലിയ തമ്പുരാട്ടിയുടെയും അനുഗ്രഹം വാങ്ങി, ഇന്ന് ഉച്ചയ്‌ക്ക് 12ന് തിരുവാഭരണമാളികയുടെ മുന്‍പില്‍ കെട്ടുനിറയ്‌ക്കും. വലിയ കോയിക്കല്‍ ക്ഷേത്രത്തില്‍ ദര്‍ശനത്തിനുശേഷം പന്തളം കൊട്ടാരം നിര്‍വാഹകസംഘം പ്രതിനിധികള്‍ക്കും രക്ഷിതാക്കള്‍ക്കുമൊപ്പം ഇരുവരും സന്നിധാനത്തേക്ക് പുറപ്പെടും.
നാളെ രാവിലെ ഉഷപൂജക്ക് ശേഷമാണ് സന്നിധാനത്ത് നറുക്കെടുപ്പ്. ഋഷികേശ് വര്‍മ ശബരിമല മേല്‍ശാന്തിയെയും വൈഷ്ണവി മാളികപ്പുറം മേല്‍ശാന്തിയെയും നറുക്കെടുക്കും. കോയിപ്പുറം നെല്ലിക്കല്‍ കൊച്ചിടത്തില്‍ കോവിലകത്തില്‍ ഗിരീഷ് വിക്രമിന്റെയും പന്തളം നടുവിലെ മാളിക കൊട്ടാരത്തില്‍ പൂര്‍ണ വര്‍മയുടെയും മകനായ ഋഷികേശ് വര്‍മ, ദുബായിലെ പേള്‍ വിസ്ഡം സ്‌കൂളിലെ വിദ്യാര്‍ത്ഥിയാണ്. പന്തളം വടക്കേടത്ത് കൊട്ടാരത്തില്‍ മിഥുന്റെയും പ്രീജയുടെയും മകള്‍ വൈഷ്ണവി തൃശ്ശൂര്‍ മാള ഹോളി ഗ്രേസ് അക്കാദമിയിലെ ഒന്നാം ക്ലാസ് വിദ്യാര്‍ത്ഥിനിയാണ്.
പ്രതികരിക്കാൻ ഇവിടെ എഴുതുക: