അയോധ്യ രാമക്ഷേത്രത്തിലെ മുഖ്യ പുരോഹിതൻ ആചാര്യ സതേന്ദ്ര ദാസിന്റെ ആരോഗ്യനില ഗുരുതരമെന്ന് റിപ്പോർട്ട്

ലക്നൗ ; അയോധ്യ ശ്രീരാമക്ഷേത്രത്തിലെ മുഖ്യ പുരോഹിതൻ ആചാര്യ സതേന്ദ്ര ദാസിന്റെ ആരോഗ്യനില ഗുരുതരമെന്ന് റിപ്പോർട്ട് . ലക്നൗവിലെ സഞ്ജയ് ഗാന്ധി പിജിഐയിൽ ചികിത്സയിലാണ് അദ്ദേഹം. സുപ്രധാനമായ ചില പരിശോധനകൾ നാളെ നടത്തുമെന്നും അതിന് ശേഷം സ്ഥിതി വ്യക്തമാകുമെന്നും ഡോക്ടർമാർ അറിയിച്ചു.

ആശുപത്രിയിലെ ന്യൂറോളജി വിഭാഗത്തിലാണ് അദ്ദേഹത്തെ പ്രവേശിപ്പിച്ചിരിക്കുന്നത്. ഡോ.പ്രകാശ് ചന്ദ്ര പാണ്ഡെയുടെ മേൽനോട്ടത്തിൽ ചികിത്സ. ന്യൂറോളജിക്കൽ പ്രശ്‌നത്തെ തുടർന്നാണ് ആചാര്യ സതേന്ദ്ര ദാസിനെ പ്രവേശിപ്പിച്ചതെന്ന് സഞ്ജയ് ഗാന്ധി പിജിഐ ഡയറക്ടർ പ്രൊഫസർ ആർകെ ധിമാൻ പറഞ്ഞു.

86 കാരനായ ആചാര്യ സതേന്ദ്ര ദാസ് 1992 മുതൽ ശ്രീരാമ ജന്മഭൂമിയിലെ പ്രധാന പുരോഹിതനാണ്. പല സ്ഥലങ്ങളിലും രാമക്ഷേത്രത്തിനായുള്ള പ്രസ്ഥാനത്തിൽ ആചാര്യ സതേന്ദ്ര ദാസ് പ്രധാന പങ്ക് വഹിച്ചിട്ടുണ്ട്. മഹന്ത് അഭിരാം ദാസിന്റെ ശിഷ്യനായിരുന്നു അദ്ദേഹം .