പത്തനംതിട്ട: കണ്ണൂര് എഡിഎം നവീന് ബാബുവിന്റെ മരണത്തില് പ്രതിഷേധിച്ച് ബുധനാഴ്ച പത്തനംതിട്ടയിലെ മലയാലപ്പുഴ ഗ്രാമപഞ്ചായത്തില് ഹര്ത്താലിന് ആഹ്വാനം ചെയ്ത് കോണ്ഗ്രസ് .രാവിലെ ആറു മുതല് വൈകിട്ട് ആറുവരെയാണ് ഹര്ത്താല് ആചരിക്കുക.
അവശ്യ സര്വീസുകളെ ഹര്ത്താലില് നിന്ന് ഒഴിവാക്കി. അതിനിടെ, കണ്ണൂര് എഡിഎം കെ നവീന് ബാബുവിന്റെ മരണം സംബന്ധിച്ച് കണ്ണൂര് ജില്ലാ കളക്ടര് അരുണ് കെ വിജയന് റവന്യു മന്ത്രിക്ക് പ്രാഥമിക റിപ്പോര്ട്ട് നല്കി.
ജില്ലാ പഞ്ചായത്ത് പ്രസിഡന്റ് നവീന് ബാബുവിനെതിരെ ഉന്നയിച്ച അഴിമതി ആരോപണം സംബന്ധിച്ച് പരാതിക്കാരന്റെ ഭാഗത്തുനിന്ന് രേഖാമൂലമുള്ള പരാതിയൊന്നും തനിക്ക് ലഭിച്ചിട്ടില്ലെന്ന് കളക്ടര് റിപ്പോര്ട്ടില് പറയുന്ന. കൂടുതല് അന്വേഷണം നടത്തിയ ശേഷം വിശദമായ റിപ്പോര്ട്ട് കളക്ടര് മന്ത്രിക്ക് സമര്പ്പിക്കും.
