കോഴിക്കോട്: പഴയകാല നാടക സിനിമ ഗായിക മച്ചാട്ട് വാസന്തി(81) അന്തരിച്ചു. തുടര്ച്ചയായി ഉണ്ടായ അപകടങ്ങളില് പെട്ട് പൂര്ണമായും കിടപ്പിലായ വാസന്തി ഏറെ നാളായി ചികിത്സയിലായിരുന്നു. കോഴിക്കോട് മെഡിക്കല് കോളേജില് ചികിത്സയിലിരിക്കയൊണ് അന്ത്യം സംഭവിച്ചത്.
നാടക, സിനിമ ഗാനങ്ങളിലൂടെ മലയാളികളുടെ മനകവര്ന്ന ഗായികയാണ് മച്ചാട്ട് വാസന്തി. നിരവധി സിനിമകളിലും നാടകങ്ങളിലും അഭിനയിച്ചിട്ടുണ്ട്.
കോഴിക്കോട് ഫറൂക്ക് കോളേജിന് സമീപമാണ് താമസിച്ചിരുന്നത്. ഒന്പതാം വയസില് തുടങ്ങിയ സംഗീത ജീവിതമാണ് മച്ചാട്ട് വാസന്തിയുടേത്. സംഗീതജ്ഞന് ബാബുരാജിന്റെ പ്രിയപ്പെട്ട ഗായികയായിരുന്നു. നിരവധി ഹിറ്റ് ഗാനങ്ങള് പാടിയിട്ടുണ്ട്. പച്ചപ്പനം തത്തേ പൊന്നാര പൂമുത്തേ, മണിമാരന് തന്നത് തുടങ്ങിയ പാട്ടുകള് ഏറെ ശ്രദ്ധിക്കപ്പെട്ടു.
ബാബുരാജിന്റെ ആദ്യ സിനിമ മിന്നാമിനുങ്ങിലെ ആദ്യ പാട്ടും പാടിയതും വാസന്തിയാണ്. മീശ മാധവനിലും മച്ചാട്ട് വാസന്തി പാടിയിട്ടുണ്ട്. വടക്കുംനാഥന് എന്ന ചിത്രത്തിലും ഗാനം ആലപിച്ചു. കലാസാഗര് മ്യൂസിക് ക്ലബ് സെക്രട്ടറിയായിരുന്ന പി കെ ബാലകൃഷ്ണനാണ് മച്ചാട്ട് വാസന്തിയുടെ ഭര്ത്താവ്.
കമ്മ്യൂണിസ്റ്റ് അനുഭാവിയായ മച്ചാട്ട് കൃഷ്ണന്റെ മകളാണ് വാസന്തി.
