തൃശൂര്‍ മണലിപ്പുഴയില്‍ തലയറ്റ നിലയില്‍ പുരുഷന്റെ മൃതദേഹം

തൃശൂര്‍: തലയറ്റ നിലയില്‍ പുരുഷന്റെ മൃതദേഹം കണ്ടെത്തി. തൃശൂര്‍ പുതുക്കാട് ആമ്പല്ലൂര്‍ മണലിപ്പുഴയിലാണ് അജ്ഞാത മൃതദേഹം കണ്ടെത്തിയത്.

പുഴയില്‍ ചാക്കില്‍ കെട്ടി ഉപേക്ഷിച്ച നിലയിലായിരുന്നു മൃതദേഹം. അഞ്ചു ദിവസത്തിലധികം പഴക്കമുണ്ടെന്നും പൊലീസ് പറഞ്ഞു.

പുഴ വക്കിലുണ്ടായിരുന്ന തോണിക്കാരാണ് ചാക്ക് കെട്ട് കണ്ടെത്തിയത്. മൃതദേഹത്തിന് അരികില്‍ നിന്ന് മൊബൈല്‍ ഫോണും കണ്ടെത്തി. അന്വേഷണം നടക്കുകയാണെന്ന് പൊലീസ് അറിയിച്ചു.

മരിച്ചയാളെ തിരിച്ചറിഞ്ഞിട്ടില്ല. കൊലപ്പെടുത്തിയശേഷം ചാക്കില്‍ കെട്ടി തള്ളിയതാണെന്നാണ് പൊലീസ് സംശയിക്കുന്നത്.