തിരുവനന്തപുരം: ബംഗ്ലാദേശിനെതിരെ തുടര്ച്ചയായി അഞ്ച് സിക്സറടിച്ചും വെറും 47 പന്തില് 111 റണ്സും എടുത്ത സഞ്ജു സാംസന്റെ വെടിക്കെട്ട് ബാറ്റിംഗിനെ പ്രശംസിച്ച് ബിജെപി സംസ്ഥാന അധ്യക്ഷന് കെ. സുരേന്ദ്രന്. സഞ്ജു സാംസന്റെ പ്രകടനത്തിന്റെ വീഡിയോയാണ് അദ്ദേഹം പങ്കുവെച്ചത്. ഓസെം (അപാരം) എന്ന അടിക്കുറിപ്പോടെയാണ് കെ.സുരേന്ദ്രന് ഈ വീഡിയോ പങ്കുവെച്ചിരിക്കുന്നത്. ബംഗ്ലാദേശ് സ്പിന്നര് റിഷാദ് ഹൊസ്സൈനെയാണ് സഞ്ജു സാംസണ് തുടര്ച്ചയായ അഞ്ച് പന്തുകളില് സിക്സറിലേക്ക് പായിച്ചത്. ടി20 യില് സഞ്ജു സാംസണ് നേടിയ ആദ്യത്തെ സെഞ്ച്വറിയായിരുന്നു.
ബംഗ്ലാദേശിനെതിരെ ഇന്ത്യ നേടിയത് ഏക്കാലത്തും ടി20യില് നേടിയ വന് റെക്കോഡായിരുന്നു. 297 റണ്സാണ് ഇന്ത്യ നേടിയത്. മറുപടി ബാറ്റിംഗിനിറങ്ങിയ ബംഗ്ലാദേശിന് 164 റണ്സേ എടുക്കാന് കഴിഞ്ഞുള്ളൂ. 133 റണ്സിനാണ് ഇന്ത്യ ബംഗ്ലാദേശിനെ തകര്ത്തത്. നേരത്തെ രണ്ട് ടി20 മത്സരങ്ങളില് ബംഗ്ലാദേശിനെതിരെ വിജയം കൊയ്ത ഇന്ത്യ മൂന്നാമത്തെ മത്സരവും വിജയിച്ചതോടെ ബംഗ്ലാദേശിനെ ടി20 പരമ്പരയില് 3-0ന് തകര്ത്തു. സഞ്ജു സാംസണെ മുന്നില് നിര്ത്തി ജിഹാദികളും കമ്മികളും നടത്തുന്ന വ്യാജപ്രചാരണത്തിന് തിരിച്ചടി നല്കുന്ന തരത്തിലാണ് കെ.സുരേന്ദ്രന്റെ പോസ്റ്റ്.
ഒരു ഇന്ത്യൻ താരത്തിന്റെ രണ്ടാമത്തെ അതിവേഗ ടി-20 സെഞ്ച്വറി കൂടിയാണ് സഞ്ജു നേടിയിരിക്കുന്നത്. 2017ൽ ശ്രീലങ്കക്കെതിരെ 35 പന്തിൽ സെഞ്ച്വറി തികച്ച രോഹിത് ശർമയാണ് ഒന്നാമൻ.
