കൊച്ചി: കോലഞ്ചേരിക്ക് സമീപം പാങ്കോട് ദമ്പതികള് സഞ്ചരിച്ച കാര് നിയന്ത്രണം വിട്ട് കിണറ്റിലേക്ക് വീണു. കൊട്ടാരക്കരയില് നിന്നും ആലുവയിലേക്ക് പോകുകയായിരുന്ന യാത്രികരാണ് അപകടത്തില്പ്പെട്ടത്. ഇവര് ഓടിച്ചിരുന്ന കാര് നിയന്ത്രണം വിട്ട് 15 അടി താഴ്ചയുള്ള കിണറ്റിലേക്ക് വീഴുകയായിരുന്നു. യാത്രികര് അത്ഭുതകരമായി രക്ഷപ്പെട്ടു.
അപകട സമയത്ത് കിണറില് ഏകദേശം ആറടിത്താഴ്ച്ചയോളം വെള്ളമുണ്ടായിരുന്നു. വെള്ളിയാഴ്ച രാത്രി ഒമ്പതരയോടെയാണ് സംഭവം.
നാട്ടുകാര് ശബ്ദം കേട്ട് ഓടി വന്നതിനാല് രക്ഷാപ്രവര്ത്തനത്തിന് വഴിയൊരുക്കി. കാര് വീഴുമ്പോള് കിണറ്റില് 5 അടി ഉയരത്തില് വെള്ളമുണ്ടായിരുന്നു. ആലുവ കൊമ്പാറ സ്വദേശികളായ കാര്ത്തിക് എം.അനില് (27), വിസ്മയ (26), എന്നിവരെയാണ് പട്ടിമറ്റം അഗ്നിരക്ഷാ നിലയം സ്റ്റേഷന് ഓഫിസര് എന്.എച്ച്.അസൈനാരുടെ നേതൃത്വത്തില് പുറത്തെത്തിച്ചത്.
കാര് റോഡിലെ ചപ്പാത്തില് ഇറങ്ങിയപ്പോള് നിയന്ത്രണം വിടുകയായിരുന്നുവെന്ന് ദമ്പതികള് പറയുന്നു. തുടര്ന്ന് കിണറിന്റെ സംരക്ഷണ ഭിത്തി തകര്ത്ത് ഉള്ളിലേക്ക് വീണു. കിണറില് വെള്ളം കുറവായതിനാലാണ് വന് ദുരന്തം ഒഴിവായത്.
അപകടം നടന്നതിനു പിന്നാലെ ദമ്പതികള്ക്ക് കാറിന്റെ ഡോര് തുറക്കാന് സാധിച്ചത് രക്ഷാപ്രവര്ത്തനം എളുപ്പമാക്കി. ഇരുവരുടെയും പരുക്ക് ഗുരുതമല്ല. കാര് പിന്നീട് െ്രെകയിന് ഉപയോഗിച്ച് പുറത്തെടുത്തു
