കൊല്ലം:പിണറായി വിജയന് തന്നെ സിപിഎമ്മിലേക്ക് ക്ഷണിച്ചിരുന്നുവെന്ന് കേന്ദ്രമന്ത്രി സുരേഷ് ഗോപി.പറ്റില്ല വിജയേട്ടാ എന്ന് മറുപടി നല്കി. ചങ്കുറ്റം ഉണ്ടെങ്കില് അദ്ദേഹം ഇല്ലെന്ന് പറയട്ടെയെന്നും സുരേഷ് ഗോപി പറഞ്ഞു.
തന്റെ ത്രാണിക്ക് അനുസരിച്ച് തന്റെ കുട്ടികളുടെ ഭാവിക്ക് വേണ്ടിയാണ് മാതാവിന് കിരീടം വച്ചത്. അത് തന്റെ പ്രാര്ത്ഥനയാണ്. അവിടെയും തന്നെ ചവിട്ടി തേച്ചില്ലെയെന്നും സുരേഷ് ഗോപി ചോദിച്ചു. പഠിച്ച കലാലയത്തില് സ്കൂളും പൂര്വ വിദ്യാര്ത്ഥി സംഘടനയും ചേര്ന്ന് സംഘടിപ്പിച്ച സ്വീകരണ ചടങ്ങില് സംസാരിക്കുകയായിരുന്നു അദ്ദേഹം.
ജനങ്ങളുടെ നിശ്ചയപ്രകാരം ജയിച്ചപ്പോള്, ജനങ്ങളെ ആ നിശ്ചയത്തിലേക്ക് എത്തിച്ചത് എന്തൊക്കെ ഘടകങ്ങളാണെന്നാണ് പലര്ക്കും പരിശോധിക്കേണ്ടത്. പൂരം കലക്കിയോ, അവിടെത്തെ ആനയ്ക്ക് കൊടുത്ത പട്ട തിരിച്ചോ എന്നൊക്കെയാണ് അന്വേഷണം.
തങ്ങളുടെ അധ്വാനത്തില് നിന്ന് സ്വരുക്കൂട്ടി മക്കളുടെയും കൊച്ചുമക്കളുടെയും ആവശ്യത്തിനായി കേരളത്തിലെ സഹകരണ ബാങ്കുകളില് നിക്ഷേപിച്ച പാവങ്ങള് നിരവധിയാണ്. അവരുടെ പണം എല്ലാവരും ചേര്ന്ന് അടിച്ചുമാറ്റി.പാവങ്ങളുടെ ചോര ഊറ്റി കുടിച്ചവരെ ചോദ്യം ചെയ്തതിനാണ് തന്നെ ക്രൂശിക്കുന്നതെന്ന് സുരേഷ് ഗോപി കുറ്റപ്പെടുത്തി.
