ഗാസിപൂർ ; ഭൂതോച്ചാടനത്തിന്റെ പേരിൽ 15 ഓളം ഹിന്ദു പെൺകുട്ടികളെ മതം മാറ്റിയ മൗലവി ഷാൻ മുഹമ്മദിനെതിരെ കേസ്. .ഗാസിപൂർ ജില്ലയിലെ ബരേസറിലാണ് സംഭവം .
മൗലവി ഷാൻ മുഹമ്മദിന്റെ വീട്ടിൽ മതപരിവർത്തനം നടക്കുന്നുണ്ടെന്നാണ് ആരോപണം. മതം മാറിയ ശേഷം പെൺകുട്ടികളെ ഒരേ വീട്ടിൽ പാർപ്പിച്ചിരിക്കുകയാണെന്നും പരാതിയിൽ പറയുന്നു.
ബലിയ സ്വദേശിയായ യുവതിയാണ് മൗലവിയ്‌ക്കെതിരെ പരാതി നൽകിയത് . മൂന്ന് വർഷം മുമ്പാണ് യുവതിയുടെ വിവാഹം നടന്നത്. മൗലവി ഷാൻ മുഹമ്മദ് യുവതിയുടെ ഭർത്താവിന്റെ കുടുംബ സുഹൃത്താണ്. ഈ സ്വാതന്ത്യ്രത്തിന്റെ പേരിൽ മൗലവി ഷാൻ പലപ്പോഴും പരാതിക്കാരിയുടെ വീട്ടിൽ വന്നിരുന്നു. വരുമ്പോഴെല്ലാം തനിക്ക് പിശാച് ബാധിച്ചതായി മൗലവി ഷാൻ മുഹമ്മദ് പറയാറുണ്ടായിരുന്നുവെന്ന് യുവതി പറയുന്നു. ഭൂതോച്ചാടത്തിനായി തന്റെ വീട്ടിൽ കൊണ്ടുവരണമെന്നും ഇയാൾ ആവശ്യപ്പെട്ടു . അതനുസരിച്ച് യുവതിയെ ഭർതൃവീട്ടുകാർ മൗലവിയുടെ വീട്ടിൽ എത്തിച്ചു.
ഭൂതോച്ചാടനം എന്ന പേരിൽ തന്നെ ഒരു മുറിയിൽ കയറ്റി വാതിൽ അടച്ചതായും പീഡിപ്പിക്കാൻ ശ്രമിച്ചതായും യുവതി പറയുന്നു. ബഹളം വച്ചപ്പോൾ ‘ നീ ഇസ്ലാം മതം സ്വീകരിച്ച് എനിക്ക് കീഴടങ്ങണം, ഇല്ലെങ്കിൽ നിന്നെയും കുടുംബത്തെയും ഞാൻ നശിപ്പിക്കുമെന്ന് ‘ ഭീഷണിപ്പെടുത്തി. മൗലവിയുടെ വീട്ടിൽ നിന്ന് താൻ എങ്ങനെയോ രക്ഷപ്പെട്ടെന്നും , സ്വന്തം വീട്ടിൽ എത്തിയ ശേഷം മാതാപിതാക്കൾ തന്ന ധൈര്യത്തിലാണ് പരാതി നൽകുന്നതെന്നും യുവതി പറയുന്നുണ്ട്.
പ്രതികരിക്കാൻ ഇവിടെ എഴുതുക: