തിരുവനന്തപുരം: കള്ളി പൊളിയുമെന്ന് കണ്ട് പ്രതിപക്ഷം നിയമസഭയില് നിന്ന് വാലും ചുരുട്ടി ഓടുകയായിരുന്നുവെന്ന് കെ ടി ജലീല് എംഎല്എ. ഫേസ്ബുക്കിലൂടെയാണ് ജലീലിന്റെ വിമര്ശനം.
മുഖ്യമന്ത്രി മലപ്പുറം ജില്ലയെ അപമാനിച്ചു എന്ന് പറഞ്ഞ് പ്രതിപക്ഷം തിങ്കളാഴ്ച സഭയില് അവതരിപ്പിച്ച അടിയന്തിര പ്രമേയം ചര്ച്ചക്കെടുക്കാന് മുഖ്യമന്ത്രി സമ്മതിച്ചത് യുഡിഎഫിന് ഇടിത്തീയായി. വെട്ടിലായ പ്രതിപക്ഷം ചര്ച്ച ഒഴിവാക്കാന് നടത്തിയ പൊറാട്ടുനാടകമാണ് തുടര്ന്ന് നിയമസഭയില് ഉണ്ടായതെന്നും ജലീല് ഫേസ്ബുക്കില് കുറിച്ചു.
സഭ അലങ്കോലപ്പെടുത്തി പ്രതിപക്ഷം സമ്മേളനം തടസപ്പെടുത്തി.കഴിഞ്ഞ പത്തുവര്ഷമായി മലപ്പുറം ജില്ലയില് പിടികൂടിയ സ്വര്ണവും ഹവാല പണവും എത്രയെന്നും അതിലെ പ്രതികളുടെ രാഷ്ട്രീയ ബന്ധവും എണ്ണിയെണ്ണിപ്പറഞ്ഞ് പ്രതിപക്ഷത്തെ തേച്ചൊട്ടിക്കാനുള്ള അവസരമാണ് തനിക്കു നഷ്ടമായത്. ഇതേ പ്രമേയം നാളെ അടിയന്തിര പ്രമേയമായി കൊണ്ടുവരാനും ചര്ച്ച ചെയ്യാനും പ്രതിപക്ഷത്തിന് ധൈര്യമുണ്ടോയെന്നും ജലീല് ചോദിച്ചു.
യുഡിഎഫ് നേതാക്കളുടെ സ്വര്ണക്കടത്തും ഹവാല ബന്ധവും ഇന്ന് തുറന്നുകാട്ടപ്പെടുമായിരുന്നു. സഭ കലക്കി രക്ഷപ്പെടാമെന്ന് ആരും കരുതേണ്ടെന്നും ജലീല് കുറിച്ചു.
