ന്യൂദല്‍ഹി: എബിവിപി എഴുപതാം ദേശീയ സമ്മേളനത്തിന് ഉത്തര്‍പ്രദേശിലെ ഗോരഖ്പൂര്‍ വേദിയാകും. നവംബര്‍ 22, 23, 24 തിയ്യതികളിലായി നടക്കുന്ന സമ്മേളനത്തിന്റെ ലോഗോ പ്രകാശനം ചെയ്തു.
ദേശീയ അധ്യക്ഷന്‍ ഡോ. രാജ് ശരണ്‍ ഷാഹി, ദേശീയ സംഘടനാ സെക്രട്ടറി ആശിഷ് ചൗഹാന്‍, ദേശീയ വനിതാ കോ- ഓര്‍ഡിനേറ്റര്‍ മനു ശര്‍മ്മ ഖട്ടാരിയ എന്നിവര്‍ ചേര്‍ന്നാണ് ലോഗോ പ്രകാശനം ചെയ്തത്. എബിവിപിയുടെ പ്രവര്‍ ത്തനങ്ങളുടെ സമഗ്രമായ അവലോകനവും വരും വര്‍ഷങ്ങളില്‍ നടത്തേണ്ട പദ്ധതികളുടെ രൂപരേഖയും സമ്മേളനം തയാറാക്കും. ഗോരഖ്പൂരില്‍ നടക്കുന്ന എബിവിപി ദേശീയ സമ്മേളനം വളരെ പ്രാധാന്യമേറിയ താണെന്ന് എബിവിപി ദേശീയ അധ്യക്ഷന്‍ ഡോ. രാജ് ശരണ്‍ ഷാഹി പറഞ്ഞു. രാജ്യത്തെ വിദ്യാഭ്യാസ രംഗത്തിന്റെ ഉന്നമനം ഉറപ്പുവരുത്തുന്നതിന് സഹായകരമാകുന്ന നയങ്ങള്‍ ദേശീയ സമ്മേളനത്തില്‍ വിഭാവന ചെയ്യുമെന്നും അദ്ദേഹം പറഞ്ഞു.
പ്രതികരിക്കാൻ ഇവിടെ എഴുതുക: