ചെന്നൈ ; ഇന്ത്യൻ വ്യോമസേന വാർഷികത്തോടനുബന്ധിച്ച് ചെന്നൈയിൽ നടന്ന എയർ ഷോയ്ക്കിടെ നാലു പേർ ശ്വാസംമുട്ടി മരിച്ചതായി റിപ്പോർട്ട് . നൂറോളം പേരെ ആശുപത്രിയിൽ പ്രവേശിപ്പിച്ചിട്ടുണ്ട്.കനത്ത ചൂടും , ജനത്തിരക്കുമാണ് അപകടത്തിനിടയാക്കിയതെന്നാണ് സൂചന .
മറീന ബീച്ചിലാണ് ഐഎഎഫ് എയർ ഷോ നടന്നത് . എയർഷോ കാണാൻ തിരക്ക് കൂടിയതിനാൽ മറീനയെ നഗരത്തിന്റെ വിവിധ ഭാഗങ്ങളുമായി ബന്ധിപ്പിക്കുന്ന പ്രധാന റോഡുകളിൽ ഗതാഗതക്കുരുക്കുണ്ടായി, ഏറെനേരം വാഹനങ്ങൾ ഒരിടത്ത് നിർത്തിയിട്ടു. ഗതാഗതക്കുരുക്ക് കാരണം എയർ ഷോ കണ്ടു മടങ്ങുന്നവരും ഏറെ ബുദ്ധിമുട്ടി.
മരണപ്പെട്ടവർക്ക് നിർജലീകരണമുണ്ടായതായും സൂചനയുണ്ട്. പോസ്റ്റ്മോർട്ടത്തിന് ശേഷമേ യഥാർത്ഥ മരണകാരണം വ്യക്തമാകൂ .
