പത്തനംതിട്ട: പത്തനംതിട്ടയിലെ വള്ളിക്കോട് കോട്ടയത്ത് അന്തിച്ചന്ത ജംഗ്ഷനില്‍ ഉള്ള സ്വകാര്യ സ്ഥാപനത്തിന്റെ കോംമ്പൗണ്ടില്‍ നിന്ന് തേക്ക് മുറിക്കുന്നതിനിടെ 49കാരന് സ്‌ട്രോക്ക്. ഇടതുവശം സ്‌ടോക്ക് വന്ന് അവശനിലയിലായ 49-കാരന് വീണ് പോകാതിരിക്കാനായി ഒപ്പമുണ്ടായിരുന്ന സഹായി മരത്തില്‍ വച്ചു കെട്ടി. 49-കാരനെ മരത്തില്‍ നിന്ന് ഇറക്കി രക്ഷകരായി പത്തനംതിട്ടയിലെ അഗ്‌നിശമനാ സേന.
എന്‍ ജെ സ്‌പൈസെസ് എന്ന സ്ഥാപനത്തിന്റെ സമീപമുള്ള തേക്ക് മരമായിരുന്നു കോന്നി കുമ്മണ്ണൂര്‍ സ്വദേശിയായ തടത്തരികത്തുചരിവ് കാലായില്‍ ജലീലും സഹായി മലയാലപ്പുഴ സ്വദേശി പ്രസാദും ചേര്‍ന്ന് മുറിച്ചുകൊണ്ടിരുന്നുത്. പെട്ടന്ന് ജലീലിന് ദേഹാസ്വസ്ഥ്യം നേരിടുകയായിരുന്നു. ഇടത് ഭാഗം സ്‌ട്രോക്ക് അനുഭവപ്പെട്ട് വീഴാന്‍ പോയ ജലീലിനെ പ്രസാദ് മരത്തിലേക്ക് തന്നെ പിടിച്ച് കെട്ടുകയായിരുന്നു.
പിന്നാലെ വിവരം അഗ്‌നിശമന സേനയെ അറിയിക്കുകയായിരുന്നു. അസിസ്റ്റന്റ് സ്റ്റേഷന്‍ ഓഫീസര്‍ എ സാബുവിന്റെ നേതൃത്വത്തിലുള്ള സംഘമാണ് രക്ഷാപ്രവര്‍ത്തനം നടത്തിയത്. സീനിയര്‍ ഫയര്‍ ആന്‍ഡ് റെസ്‌ക്യൂ ഓഫീസര്‍ എ പി ദില്ലു, എസ് സതീശന്‍, എസ്. ശ്രീകുമാര്‍,എന്നിവര്‍ മരത്തിനു മുകളില്‍ കയറുകയും അതിസാഹസികമായി ജലീലിനെ റെസ്‌ക്യൂ നെറ്റ് ല്‍ കയറ്റുകയും മറ്റു സേനങ്ങങ്ങളുടെ സഹായത്താല്‍ രക്ഷപ്പെടുത്തി താഴെ എത്തിക്കുകയുമായിരുന്നു. ഇയാളെ സേനയുടെ തന്നെ ജീപ്പില്‍ പത്തനംതിട്ട സര്‍ക്കാര്‍ ആശുപത്രിയില്‍ എത്തിക്കുകയുമായിരുന്നു.
പ്രതികരിക്കാൻ ഇവിടെ എഴുതുക: