ഇൻഡോർ : നവരാത്രി പൂജാപന്തലിൽ സ്ഥാപിക്കാനുള്ള ദേവീ വിഗ്രഹത്തിൽ ബുർഖ അണിയിച്ചതിനെതിരെ കേസ്. ഇൻഡോറിലെ ഖജ്രാന ഏരിയയിലാണ് സംഭവം . നഗരത്തിലെ രണ്ട് പ്രധാന ഗർബ പന്തലുകളിലാണ് ലൗ ജിഹാദ് പ്രോത്സാഹിപ്പിക്കുന്ന വിധത്തിൽ പോസ്റ്ററുകൾ സ്ഥാപിക്കുകയും , വിഗ്രഹത്തിൽ ബുർഖ അണിയിപ്പിക്കുകയും ചെയ്തത് .
വിഷയത്തിൽ ഹിന്ദു സംഘടനാ നേതാവ് ലക്കി രഘുവംശിയും കൂട്ടരും വിഗ്രഹം നിർമ്മിച്ച ബംഗാളി കരകൗശല വിദഗ്ധനെതിരെ പോലീസിൽ പരാതി നൽകുകയും ചെയ്തു. മാളവ്യ നഗറിലെ താമസക്കാരനായ ലക്കി ചൗഹാനാണ് വിഗ്രഹം നിർമ്മിച്ചത് . പോലീസ് ഇയാളെ കസ്റ്റഡിയിലെടുത്ത് ചോദ്യം ചെയ്തു. ഹൈന്ദവ സംഘടനകളുടെ പരാതിയിൽ നടപടിയെടുക്കുമെന്ന് പൊലീസ് ഉറപ്പ് നൽകിയിട്ടുണ്ട്.
ഇൻഡോറിലെ ഭൻവാർകുവാൻ മേഖലയിൽ നടന്ന ഗർബ പരിപാടിയിൽ മതപരമായ ഐക്യത്തിന്റെ മറവിൽ ലൗ ജിഹാദ് പ്രോത്സാഹിപ്പിക്കാനായി പോസ്റ്ററുകൾ പതിച്ചിരുന്നു . സംഭവത്തെത്തുടർന്ന് പോലീസ് ഉടൻ തന്നെ പരിപാടി റദ്ദാക്കുകയും ടെൻ്റുകളും പോസ്റ്ററുകളും വേദിയിൽ നിന്ന് നീക്കം ചെയ്യുകയും ചെയ്തു.
