തൃശ്ശൂര്‍: എടിഎം കൊള്ളയിലെ പ്രതികളെ തൃശ്ശൂരിലെത്തിച്ചു. ഹരിയാന സ്വദേശികളായ ഇര്‍ഫാന്‍, സക്കീം ഖാന്‍, മുഹമ്മദ്, അഷ്‌കര്‍ അലി, ഷൗക്കില്‍ മുബാറക് എന്നിവരെയാണ് തൃശ്ശൂരില്‍ എത്തിച്ചത്.
സപ്തംബര്‍ 27നാണ് തൃശ്ശൂരിലെ മൂന്നിടങ്ങളില്‍ പ്രതികള്‍ ഗ്യാസ്‌കട്ടര്‍ ഉപയോഗിച്ച് എടിഎം തകര്‍ത്ത് പണം കവര്‍ന്നത.് മാപ്രാണം, കോലഴി, ഷൊര്‍ണൂര്‍ റോഡ് എന്നിവിടങ്ങളിലെ എടിഎമ്മുകളാണ് കൊള്ളയടിച്ചത്. പുലര്‍ച്ചെ മൂന്നിനും നാലിനും മധ്യേയായിരുന്നു കവര്‍ച്ച. കേരളം വിട്ട പ്രതികളെ തമിഴ്നാട് പോലീസ് ഏറ്റുമുട്ടലിലൂടെയാണ് കീഴടക്കിയത്. പോലീസുമായുള്ള ഏറ്റുമുട്ടലില്‍ പ്രതികളില്‍ ഒരാള്‍ കൊല്ലപ്പെട്ടിരുന്നു.
അന്വേഷണത്തിന്റെ ഭാഗമായാണ് പ്രതികളെ തൃശ്ശൂര്‍ സിറ്റിപോലീസ് കസ്റ്റഡിയിലെടുത്തത്. തൃശ്ശൂര്‍ ജനറല്‍ ആശുപത്രിയില്‍ വൈദ്യ പരിശോധനയ്‌ക്ക് ശേഷം പ്രതികളെ കോടതിയില്‍ ഹാജരാക്കി കസ്റ്റഡിയില്‍ വാങ്ങും.
പ്രതികരിക്കാൻ ഇവിടെ എഴുതുക: