റായ്പൂര്‍: ഛത്തീസ് ഗഡിലെ നാരായണ്‍പൂര്‍ – ദന്തേവാഡ അതിര്‍ത്തിയിലെ വനമേഖലയില്‍ നടന്ന ഏറ്റുമുട്ടലിൽ 30 മാവോയിസ്റ്റുകളെ വധിച്ചതായി സുരക്ഷാ സേന.പ്രദേശത്ത് ഏറ്റുമുട്ടല്‍ തുടരുന്നതായാണ് റിപ്പോര്‍ട്ടുകള്‍. മൃതദേഹങ്ങള്‍ തിരിച്ചറിഞ്ഞിട്ടില്ല. ദന്തേവാഡ മേഖല എസ് പി ഗൗരവ് റായി ആണ് 30 നക്സലുകളെ വധിച്ചതായി പ്രഖ്യാപിച്ചത്.
വന്‍ മാവോയിസ്റ്റ് സാന്നിധ്യമുണ്ടെന്ന ഇന്‍റലിജന്‍സ് റിപ്പോര്‍ട്ടിനെ തുടര്‍ന്ന് ഓര്‍ച്ച, ബര്‍സൂര്‍ പൊലീസ് സ്റ്റേഷനുകളുടെ പരിധിയിലുള്ള ഗോവല്‍, നെന്തൂര്‍, തുല്‍ത്തുളി എന്നിവിടങ്ങളിൽ വ്യാഴാഴ്ച മുതലാണ് ജില്ലാ റിസര്‍വ് ഗാര്‍ഡും സ്‌പെഷ്യല്‍ ടാസ്‌ക് ഫോഴ്‌സും ചേര്‍ന്ന് മാവോയിസ്റ്റ് വിരുദ്ധ ഓപ്പറേഷന്‍ ആരംഭിച്ചത്. ഉച്ചയ്‌ക്ക് ഒരു മണിയോടെ വെടിവെയ്പ് ആരംഭിച്ചതായി ബസ്തര്‍ റേഞ്ചിലെ ഐജി സുന്ദര്‍രാജ് പി പറഞ്ഞു. ഐജി സുന്ദര്‍രാജ് പി പുറത്തുവിട്ട റിപ്പോര്‍ട്ട് അനുസരിച്ച് 28 നക്സലുകള്‍ കൊല്ലപ്പെട്ടതായാണ് കണക്ക്.
മാവോയിസ്റ്റുകളില്‍ നിന്ന് എകെ47 വിഭാഗത്തില്‍പെട്ട തോക്കുകളും മറ്റ് നിരവധി ആയുധങ്ങള്‍ കണ്ടെടുത്തതായി സുരക്ഷാ സേന അറിയിച്ചു. ഇക്കൂട്ടത്തില്‍ സ്വയം ലോഡ് ചെയ്യാന്‍ കഴിയുന്ന സെല്‍ഫ് ലോഡിംഗ് റൈഫിളുകളും (എസ് എല്‍ആര്‍) ഉള്‍പ്പെടുന്നു.
ബസ്തര്‍ പ്രദേശത്ത് മാത്രം ഈ വര്‍ഷം 185 നക്സലുകളെ വധിച്ചു
സൈന്യത്തിന്റെ കണക്ക് പ്രകാരം ഛത്തീസ് ഗഡില്‍ ബസ്തര്‍ പ്രദേശത്ത് മാത്രം ഈ വര്‍ഷം 185 നക്സലൈറ്റുകളെ സൈന്യം ഏറ്റുമുട്ടലില്‍ വധിച്ചിട്ടുണ്ട്.
പ്രതികരിക്കാൻ ഇവിടെ എഴുതുക