കൊച്ചി: ഹേമ കമ്മിറ്റി റിപ്പോര്‍ട്ടുമായി ബന്ധപ്പെട്ട വാര്‍ത്തകള്‍ റിപ്പോര്‍ട്ട് ചെയ്യുന്നതില്‍ മാധ്യമങ്ങള്‍ക്ക് ഹൈക്കോടതിയുടെ മുന്നറിയിപ്പ്. ഹേമ കമ്മിറ്റി മുന്‍പാകെ പരാതിക്കാരുടെ വെളിപ്പെടുത്തല്‍ എന്ന രീതിയില്‍ വാര്‍ത്തകള്‍ റിപ്പോര്‍ട്ട് ചെയ്യരുതെന്നാണ് ഹൈക്കോടതി നിര്‍ദേശം.
അത്തരം റിപ്പോര്‍ട്ടുകള്‍ നീതി നിര്‍വഹണത്തെ തടസപ്പെടുത്തുന്നതായി കണക്കാക്കുമെന്നാണ് കോടതിയുടെ മുന്നറിയിപ്പ്.അന്വേഷണ പുരോഗതി അറിയാന്‍ ശ്രമിക്കുന്ന മാധ്യമങ്ങള്‍ക്ക് പ്രത്യേക അന്വേഷണ സംഘം പൊതുവായ മുന്നറിയിപ്പ് നല്‍കണം.
മുന്നറിയിപ്പ് അവഗണിച്ച് മാധ്യമങ്ങള്‍ ബന്ധപ്പെട്ടാല്‍ തെളിവ് സഹിതം കോടതിയെ അറിയിക്കണമെന്നും പ്രത്യേക അന്വേഷണ സംഘത്തിന് കോടതിയുടെ നിര്‍ദ്ദേശമുണ്ട്. ഹേമ കമ്മിറ്റിയുമായി ബന്ധപ്പെട്ട വാര്‍ത്തകള്‍ കോടതി ഉത്തരവിന് വിരുദ്ധമായി റിപ്പോര്‍ട്ട് ചെയ്താല്‍ ഗൗരവമായി കാണും.
പ്രതികരിക്കാൻ ഇവിടെ എഴുതുക: