തിരുവനന്തപുരം: നവകേരളയാത്രയ്‌ക്കിടെ ആലപ്പുഴയില്‍ യൂത്ത്‌കോണ്‍ഗ്രസ് പ്രവര്‍ത്തകരെ വളഞ്ഞിട്ട് തല്ലിച്ചതച്ച സംഭവത്തില്‍ മുഖ്യമന്ത്രിയുടെ ഗണ്‍മാന്‍മാര്‍ക്ക് ക്രൈംബ്രാഞ്ചിന്റെ ക്ലീന്‍ ചിറ്റ്. കേസ് അവസാനിപ്പിക്കാന്‍ ജില്ലാ െ്രെകംബ്രാഞ്ച് റഫറല്‍ റിപ്പോര്‍ട്ട് നല്‍കി.
ഗണ്‍മാന്മാരായ അനില്‍ കള്ളിയൂരും സന്ദീപും ഔദ്യോഗിക കൃത്യനിര്‍വഹണം മാത്രമാണ് നടത്തിയതെന്നാണ് ക്രൈംബ്രാഞ്ചിന്റെ കണ്ടെത്തല്‍. മുഖ്യമന്ത്രിക്ക് സുരക്ഷ ഒരുക്കുക മാത്രമാണ് ഉദ്യോഗസ്ഥര്‍ ചെയ്തത്.അനിഷ്ട സംഭവങ്ങള്‍ ഒഴിവാക്കുന്നതിനുളള ഇടപെടല്‍ മാത്രമാണ് നടത്തിയതെന്നാണ് റിപ്പോര്‍ട്ടിലുളളത്.
ഗണ്‍മാന്‍മാര്‍ യൂത്ത്‌കോണ്‍ഗ്രസ് പ്രവര്‍ത്തകരെ മര്‍ദിക്കുന്ന ദൃശ്യങ്ങള്‍ കേസെടുക്കാന്‍ പര്യാപ്തമല്ലെന്ന് വിചിത്രവാദവും ഉണ്ട്.കെഎസ് യു ജില്ലാ പ്രസിഡന്റ് എ ഡി തോമസിനെയും സംസ്ഥാന ഭാരവാഹി അജയ് ജുവല്‍ കുര്യാക്കോസിനെയുമാണ് ക്രൂരമായി വളഞ്ഞിട്ട് ആക്രമിച്ചത്. മുഖ്യമന്ത്രി സഞ്ചരിച്ച വാഹനത്തിനുനേരെ കരിങ്കൊടി കാണിച്ചെന്ന പേരിലാണ് മര്‍ദ്ദനം.
കോണ്‍ഗ്രസുകാരെ ഗണ്‍മാന്‍മാര്‍ മര്‍ദിക്കുന്ന ദൃശ്യങ്ങള്‍ പുറത്തുവന്നിരുന്നെങ്കിലും പൊലീസ് ഫോട്ടോഗ്രാഫറെടുത്ത ചില ദൃശ്യങ്ങള്‍ മാത്രമാണ് കോടതിയില്‍ ഹാജരാക്കിയിട്ടുളളത്. ഇതില്‍ മര്‍ദന ദൃശ്യങ്ങള്‍ ഇല്ലെന്നാണ് സൂചന.
പ്രതികരിക്കാൻ ഇവിടെ എഴുതുക: