ലക്നൗ : മകളെ പീഡിപ്പിക്കാൻ ശ്രമിച്ച മൗലാനയെ തല്ലിച്ചതച്ച് യുവതി . ഉത്തർപ്രദേശിലെ മൊറാദാബാദിലാണ് സംഭവം. കുട്ടിയുടെ അസുഖം മാറ്റാമെന്ന് അവകാശപ്പെട്ട ഇമാം അനുചിതമായി കുട്ടിയെ സ്പർശിച്ചുവെന്നും , പീഡിപ്പിക്കാൻ ശ്രമിച്ചുവെന്നും യുവതി പറഞ്ഞു. സ്ത്രീ മൗലാനയെ ചെരിപ്പുകൊണ്ട് അടിക്കുന്നതിന്റെ ദൃശ്യങ്ങളും പുറത്ത് വന്നിട്ടുണ്ട്.
മൊറാദാബാദിലെ അഗ്‌വാൻപൂർ പ്രദേശത്ത് താമസിച്ചിരുന്ന മൗലാന ഫുർഖാനാണ് മർദ്ദനമേറ്റത് . മുസ്‌ലിം കുട്ടികൾക്കായി പതിവായി മതത്തെക്കുറിച്ച് പ്രഭാഷണങ്ങൾ നടത്തുമായിരുന്നു ഫുർഖാൻ . പ്രേതബാധ ഒഴിപ്പിക്കാനും ആളുകളെ സുഖപ്പെടുത്താനുമുള്ള കഴിവ് തനിക്കുണ്ടെന്നും ഫുർഖാൻ പറഞ്ഞിരുന്നു.
തുടർന്നാണ് യുവതിയോടും മകളുടെ രോഗം മാറ്റിത്തരാമെന്ന് ഇയാൾ പറഞ്ഞിരുന്നു . അതനുസരിച്ച് മകളുമായി വന്നപ്പോൾ യുവതിയെ മാറ്റി നിർത്തി മകളുമായി മൗലാന മുറിയിൽ കയറിയെന്നും , എന്നാൽ, മകൾ ഏറെ നേരം കഴിഞ്ഞിട്ടും മുറിയിൽ നിന്ന് പുറത്തുവരാത്തത് കണ്ട് യുവതി ബലം പ്രയോഗിച്ച് അകത്തേക്ക് കടന്നപ്പോൾ മകളോട് മൗലവി അപമര്യാദയായി പെരുമാറുന്നത് കാണുകയായിരുന്നു . തുടർന്നാണ് യുവതി ഇയാളെ മർദ്ദിച്ചത്.
പ്രതികരിക്കാൻ ഇവിടെ എഴുതുക: