കോട്ടയം: ബാലികയായിരിക്കെ തന്നെ വിവാദനായികയായ യുവനടി വേശ്യാവൃത്തിക്ക് പ്രേരിപ്പിച്ചുവെന്ന പരാതിയില്‍ മൂവാറ്റുപുഴ പൊലീസ് യുവതിയുടെ മൊഴി രേഖപ്പെടുത്തി. ഏതാനുംനാള്‍ മുന്‍പ് ഒരു ഇന്‍സ്പെക്ടറും വനിതാ പോലീസും ഉള്‍പ്പെടുന്ന അഞ്ചംഗ അന്വേഷണസംഘം ചെന്നൈയിലെത്തി തെളിവു ശേഖരിച്ചിരുന്നു. 16 വയസ്സുള്ളപ്പോള്‍ സിനിമയില്‍ അഭിനയിപ്പിക്കാം എന്ന് പ്രലോഭിപ്പിച്ച് ചെന്നൈയില്‍ എത്തിക്കുകയും ഫ്ളാറ്റില്‍ വച്ച് ഏതാനും ആളുകള്‍ക്ക് കാഴ്ചവയ്‌ക്കാന്‍ ശ്രമിക്കുകയും ചെയ്തുവെന്നാണ് യുവതി നല്‍കിയ പരാതി. ചെന്നൈയിലെ ഫ്ളാറ്റില്‍ അന്വേഷണസംഘം എത്തിയെങ്കിലും അത് പൂട്ടിയിട്ടിരിക്കുകയായിരുന്നു. നടിയുടെ ഫോട്ടോകള്‍ കാട്ടി തൊട്ടടുത്ത ഫ്ളാറ്റില്‍ കഴിയുന്നവരില്‍ നിന്ന് സംഘം വിവരങ്ങള്‍ ശേഖരിച്ചു മടങ്ങുകയായിരുന്നു. സംഭവം നടന്നത് തമിഴ്‌നാട്ടിലായതിനാല്‍ നടിക്കെതിരെയുള്ള ഈ പോക്സോ കേസ് അവിടേയ്‌ക്കു കൈമാറാനാണ് തീരുമാനം.
മുകേഷും ജയസൂര്യയും ബാലചന്ദ്രമേനോനും ഉള്‍പ്പെടെയുള്ള പ്രമുഖ നടന്മാര്‍ക്കെതിരെ പീഡന പരാതി നല്‍കുകയും ഇത് സംബന്ധിച്ച് ചാനലുകള്‍ക്ക് അഭിമുഖം നല്‍കുകയും ചെയ്ത നടിയാണ് പോക്സോ കേസില്‍ കുടുങ്ങിയിരിക്കുന്നത്.
പ്രതികരിക്കാൻ ഇവിടെ എഴുതുക: