മദ്യപാനം ഇല്ലാത്തവർക്ക് കരൾ രോഗങ്ങൾ ഉണ്ടാകില്ല എന്നത് ഒരു തെറ്റിദ്ധാരണയാണ്. ഫാസ്റ്റ് ഫുഡ് സംസ്കാരം അപ്പാടെ സ്വീകരിച്ചതുവഴി ഇപ്പോള് മിക്കവരിലും ഫാറ്റിലിവര് എന്നത് ഒരു സാധാരണ രോഗമായി മാറിയിരിക്കുകയാണ്.
ഫാറ്റി ലിവര് ഉണ്ടാകാനുള്ള പ്രധാന കാരണം മദ്യപാനമാണ്. എന്നാല് ഒരിക്കലും മദ്യം ഉപയോഗിക്കാത്തവരിലും ഫാറ്റി ലിവര് ഉണ്ടാകാറുണ്ട്. ഇതിനെ മദ്യപാനംകൊണ്ടല്ലാതെ വരുന്ന ഫാറ്റി ലിവര് രോഗം എന്നുപറയുന്നു. ഇതിനെത്തന്നെ രണ്ടായി തരംതിരിക്കാം. ഒന്ന്, കരളില് കൊഴുപ്പ് അടിയുമ്പോള് മാത്രം ഉണ്ടാകുന്നത്; ഇതിനെ നോണ് ആല്ക്കഹോളിക് ഫാറ്റി ലിവര് ഡിസീസ് (NAFLD) എന്ന് വിളിക്കുന്നു. രണ്ട്, കരളില് കൊഴുപ്പ് അടിയുന്നതോടൊപ്പം നീരും (inflammation) ഉണ്ടാകുന്നത്; ഇതിനെ നോണ് ആല്ക്കഹോളിക്ക് സ്റ്റിയറ്റോഹെപ്പറ്റൈറ്റിസ് (Nonalcoholic steatohepatitis-NASH) എന്നു പറയുന്നു.
നോണ് ആല്ക്കഹോളിക് ഫാറ്റി ലിവര് ഡിസീസ് ഉള്ള 80 ശതമാനം ആളുകളും ഫാറ്റി ലിവര് (Isolated Fatty Liver) അവസ്ഥയില് തന്നെ തുടരുന്നു. എന്നാല് 20 ശതമാനം ആളുകളില് ഇത് നാഷ് ആയിത്തീരുന്നു. ഫാറ്റി ലിവര് മാത്രമുള്ളവര്ക്ക് സിറോസിസ് വരാനുള്ള സാധ്യത വളരെ കുറവാണ്. എന്നാല് നാഷ് ഉള്ള 11 ശതമാനം പേര്ക്ക് 15 വര്ഷംകൊണ്ട് അത് സിറോസിസ് ആയിത്തീരാനുള്ള സാധ്യതയുണ്ട്. സിറോസിസ് ബാധിച്ചവരില് ഏഴുശതമാനം പേരില് അത് കാന്സറായി മാറാനുള്ള സാധ്യതയുമുണ്ട്.
രക്തത്തിലെ കൊഴുപ്പിനെ സംസ്കരിക്കാനുള്ള കരളിന്റെ ശേഷി കുറയുന്ന രോഗമാണ് ഫാറ്റി ലിവര്. അനിയന്ത്രിതമായ പ്രമേഹം, അമിതവണ്ണം, ഉയര്ന്ന കൊളസ്ട്രോള് തുടങ്ങിയവയൊക്കെ മദ്യപിക്കാത്തവരിലെ ഫാറ്റി ലിവറിന് വഴിയൊരുക്കുന്ന ഘടകങ്ങളാണ്.
ഇപ്പോള് ഫാറ്റി ലിവര് വലിയ പ്രശ്നമായി മാറിയിരിക്കുകയാണ്. സാധാരണ ഗതിയില് ഫാറ്റി ലിവര് അപകടകാരിയല്ല. എന്നാല് ഒരാള്ക്ക് ഫാറ്റി ലിവര് എന്ന അവസ്ഥ ഉണ്ടായിരിക്കെ എല്.എഫ്.റ്റി-യില് അപാകതകളുണ്ടാകയും ചെയ്താല് ഭാവിയില് അത് ഗുരുതരമായ കരള്രോഗങ്ങള്ക്കും പ്രമേഹം, ഹൃദയാഘാതം തുടങ്ങിയ മറ്റു രോഗങ്ങള്ക്കും കാരണമായേക്കാം.
ഫാറ്റി ലിവര് എന്ന രോഗത്തെ മരുന്നുകള് കൊണ്ടു ചികിത്സിക്കാനാവില്ല. ഭക്ഷണം വ്യായാമങ്ങളിലൂടെ മാത്രമേ ചികിത്സിക്കാൻ പറ്റൂ. ഛര്ദി, കണ്ണ്, ത്വക്ക്, നഖം എന്നിവ മഞ്ഞ നിറമാകുന്നത് കരള് രോഗത്തിന്റെ പ്രധാന ലക്ഷണങ്ങളിലൊന്നാണ്.അടിവയറ്റില് നീര് വരിക, വിശപ്പിലാതിരിക്കുക തുടങ്ങിയവയും ഇതിന്റെ ലക്ഷണങ്ങളാണ്.
ഫാറ്റി ലിവര് ഒഴിവാക്കാൻ ഇവ ശീലമാക്കുന്നത് നല്ലതാണ്. ഫാറ്റി ലിവറിന് ഏറ്റവും നല്ലതാണ് ഗ്രീൻ ടീ. ദിവസവും 4 കപ്പ് ഗ്രീൻടീ കുടിക്കുന്നത് ശരീരഭാരം കുറയ്ക്കാനും ഏറെ നല്ലതാണ്.
ഫാറ്റി ലിവര് അകറ്റാനുള്ള മറ്റൊരു മാര്ഗമാണ് ചെറുനാരങ്ങ. വിറ്റാമിൻ സി ധാരാളം അടങ്ങിയ ഒന്നാണ് ചെറുനാരങ്ങ. ചെറുചൂടുവെള്ളത്തില് അല്പം നാരങ്ങനീരും തേനും ചേര്ത്ത് കുടിക്കുന്നത് ഫാറ്റി ലിവര് അകറ്റാൻ നല്ലതാണ്.
എല്ലാ ആരോഗ്യപ്രശ്നങ്ങള്ക്കുമുള്ള പ്രതിവിധിയാണ് മഞ്ഞള്പ്പൊടി. ഫാറ്റി ലിവര് അകറ്റാൻ ഏറ്റവും നല്ലതാണ് മഞ്ഞള് പൊടി. കാല് ടീസ്പൂണ് മഞ്ഞള് പൊടി ചെറുചൂടുവെള്ളത്തിലിട്ട് കുടിക്കുന്നത് ഫാറ്റി ലിവര് മാറ്റാൻ നല്ലതാണ്. ജലദോഷം, ചുമ, എന്നിവയെയും പ്രതിരോധിക്കാൻ മഞ്ഞള് പൊടിയ്ക്ക് സാധിക്കും.
പഴങ്ങൾ, പച്ചക്കറികൾ, ധാന്യങ്ങൾ, മെലിഞ്ഞ പ്രോട്ടീനുകൾ, ആരോഗ്യകരമായ കൊഴുപ്പുകൾ എന്നിവ അടങ്ങിയ ഭക്ഷണക്രമം സുഗമമാക്കും. ശീലമാക്കുക. പാല് കുടിക്കുന്നതും ഉത്തമമാണ്.
