കൊച്ചി: കോഴിക്കോട്ടെ റിയല് എസ്റ്റേറ്റ് ഇടപാടുകാരന് മാമി എന്ന മുഹമ്മദ് ആട്ടൂരിനെ കാണാതായ സംഭവത്തില് സിബിഐ അന്വേഷണമില്ല. കേസ് സിബിഐ അന്വേഷിക്കണമെന്ന മാമിയുടെ ഭാര്യ റംലത്തിന്റെ ഹര്ജി ഹൈക്കോടതി തള്ളി.
കേസ് ക്രൈംബ്രാഞ്ച് പ്രത്യേക സംഘം അന്വേഷിക്കുന്നുണ്ടെന്നും സമയബന്ധിതമായി പൂര്ത്തിയാക്കുമെന്നും സംസ്ഥാന സര്ക്കാര് ഹൈക്കോടതിയെ അറിയിച്ചു. ഇത് അംഗീകരിച്ചാണ് തത്കാലം സിബിഐ അന്വേഷണം വേണ്ടെന്ന് സിംഗിള് ബെഞ്ച് തീരുമാനിച്ചത്.
മുഹമ്മദ് ആട്ടൂരിനെ 2023 ഓഗസ്റ്റ് 22നാണ് കാണാതായത്. കോഴിക്കോട് വൈഎംസിഎ ക്രോസ് റോഡിലുള്ള നക്ഷത്ര അപ്പാര്ട്ട്മെന്റില് നിന്ന് ഓഗസ്റ്റ് 21ന് ഇറങ്ങിയ മുഹമ്മദ് ആട്ടൂരിന്റെ ഫോണ് കേന്ദ്രീകരിച്ച് അന്വേഷണം നടത്തി.22ന് ഉച്ചവരെ അത്തോളി പറമ്പത്ത്, തലക്കുളത്തൂര് ഭാഗത്ത് മുഹമ്മദ് ആട്ടൂര് ഉണ്ടെന്ന് കണ്ടെത്തി.എന്നാല് പിന്നീട് ഇദ്ദേഹം എവിടേക്ക് പോയെന്ന് കണ്ടെത്താനായിട്ടില്ല. നടക്കാവ് പൊലീസാണ് കേസ് ആദ്യം അന്വേഷിച്ചിച്ചത്.
അന്വേഷണം കാര്യക്ഷമമല്ലെന്ന ആക്ഷേപം കുടുംബം തുടക്കം മുതല് ഉന്നയിച്ചിരുന്നു. കോഴിക്കോട് കമ്മീഷണറുടെ മേല്നോട്ടത്തിലുള്ള സ്ക്വാഡും കേസ് അന്വേഷിച്ചു. പിന്നീടാണ് മലപ്പുറം എസ്പിയുടെ മേല്നോട്ടത്തിലുള്ള പ്രത്യേക അന്വേഷണ സംഘത്തിന് കേസ് എഡിജിപി എം.ആര്. അജിത് കുമാര് കൈമാറിയത്.
പി.വി.അന്വര് എംഎല്എ എഡിജിപി എം.ആര്.അജിത് കുമാറിനെ ബന്ധപ്പെടുത്തിയുള്ള ആരോപണം ഉന്നയിച്ച സാഹചര്യത്തിലാണ് അന്വേഷണം െ്രെകംബ്രാഞ്ചിന് വിട്ടത്.
