തൃശൂര്‍: തൃശൂരിലെ പൂരം കലക്കിയതുകൊണ്ടല്ല സുരേഷ് ഗോപി തൃശൂരില്‍ നിന്നും ജയിച്ചതെന്നും അത് തൃശൂരിലെ മൂന്ന് ശിവന്മാര് ചേര്‍ന്നാണ് ചെയ്തതെന്നും സമൂഹമാധ്യമം. സിപിഐയും സിപിഎമ്മില്‍ ഒരു വിഭാഗവും കോണ്‍ഗ്രസും സുരേഷ് ഗോപിയ്‌ക്കുള്ള ജനപ്രീതിയും ബിജെപിയുടെ വളരുന്ന ജനപിന്തുണയും മറച്ചുപിടിക്കാന്‍ പൂരം കലക്കല്‍ വിവാദത്തെ പര്‍വ്വതീകരിക്കുന്ന പശ്ചാത്തലത്തിലാണ് ഒരാളുടെ സമൂഹമാധ്യമത്തിലെ ഈ പ്രതികരണം.
തൃശൂരിന്റെ യഥാര്‍ത്ഥ പേര് തൃശ്ശിവപേരൂര്‍ എന്നാണ്. ഇത് ലോപിച്ചാണ് തൃശൂര്‍ ആയത്. മൂന്ന് ശിവന്മാര് വാഴുന്ന ഇടം എന്ന അര്‍ത്ഥത്തിലാണ് തൃശ്ശിവപേരൂര്‍ എന്ന പേര് വന്നത്. പൂങ്കുന്നത്തുള്ള ശിവന്റെ ക്ഷേത്രം, കോട്ടപ്പുറത്തുള്ള ശിവന്റെ ക്ഷേത്രം, പിന്നെ വടക്കുന്നാഥ ക്ഷേത്രം- ഇതാണ് തൃശ്ശിവപേരൂരിന് ആ പേര് നല്‍കിയ മൂന്ന് ശിവന്മാര്.
സുരേഷ് ഗോപിയ്‌ക്ക് ജയം നല്‍കിയത് ഈ മൂന്ന് ശിവന്‍മാരുടെ അനുഗ്രഹം തന്നെയാണെന്ന് ഒരു ഭക്തന്‍ സമൂഹമാധ്യമത്തില്‍ പങ്കുവെച്ച കുറിപ്പില്‍ പറയുന്നു.
പ്രതികരിക്കാൻ ഇവിടെ എഴുതുക: