കൊച്ചി: ഗായിക ചിത്രയുടെ ആരാധികയാണ് ബംഗാളില്‍ നിന്നും വന്ന നടി മോക്ഷ. ബംഗാളി സിനിമയില്‍ നിന്നും ആരംഭിച്ച് ഇപ്പോള്‍ തെന്നിന്ത്യയില്‍ ചുവടുറപ്പിക്കുന്ന നടി മോക്ഷ അഭിനയിച്ച ആദ്യ മലയാള ചിത്രം വിഷ്ണു ഉണ്ണികൃഷ്ണന്‍ നായകനായ ‘കള്ളനും ഭഗവതിയും’ എന്ന സിനിമയാണ്. ഈയിടെ ഒരു ടെലിവിഷന്‍ ചാനലിലെ റിയാലിറ്റി ഷോയില്‍ പങ്കെടുക്കാന്‍ വന്ന മോക്ഷ ഗായിക കെ.എസ്. ചിത്രയെക്കുറിച്ച് പറഞ്ഞ വാക്കുകള്‍ ശ്രദ്ധേയമായി.
ബംഗാളിലെ കൊല്‍ക്കൊത്തയില്‍ നിന്നും വരുന്ന ഞാന്‍ ക്ലാസിക്കല്‍ നര്‍ത്തകി കൂടിയാണ്. വളരേ ചെറുപ്പം മുതലേ കെ.എസ്. ചിത്രയുടെ ആരാധികയാണ്. നൃത്തത്തിനും ചിത്രയുടെ പാട്ടുകള്‍ ഉപയോഗിച്ചിട്ടുണ്ടെന്ന് മോക്ഷ പറഞ്ഞു.
ചിത്രയുടെ ശബ്ദത്തില്‍ സരസ്വതി കുടികൊള്ളുന്നുവെന്നും മോക്ഷ പറഞ്ഞപ്പോള്‍ സദസ്സില്‍ നിന്നും വലിയ കയ്യടി ഉയര്‍ന്നു. പല പുതിയ ഗായകര്‍ക്കും നര്‍ത്തികമാര്‍ക്കും പ്രചോദനമാണ് ചിത്രയെന്നും മോക്ഷ പറഞ്ഞു. ബംഗാളില്‍ നിന്നും വന്ന ഒരു നടി ഇത്രയേറെ ബഹുമാനത്തോടെ പറഞ്ഞുകേട്ടപ്പോള്‍ കെ.എസ്. ചിത്രയ്‌ക്കും അത്ഭുതം.
പ്രതികരിക്കാൻ ഇവിടെ എഴുതുക: