ന്യൂദല്ഹി: കോണ്ഗ്രസിന്റേത് വെറുപ്പിന്റെ രാഷ്ട്രീയമാണെന്നും ഖാര്ഗെ അദ്ദേഹത്തിന്റെ ആരോഗ്യപ്രശ്നത്തിലും മോദിയുടെ പേര് വലിച്ചിഴയ്ക്കുകയാണെന്നും കേന്ദ്ര ആഭ്യന്തരമന്ത്രി അമിത് ഷാ. മോദിയെ അധികാരത്തില് നിന്നും പുറത്താക്കുന്നതുവരെ താന് മരിയ്ക്കില്ലെന്ന മല്ലികാര്ജുന് ഖാര്ഗെയുടെ പരാതിയോട് പ്രതികരിക്കുകയായിരുന്നു അമിത് ഷാ.
“പ്രധാനമന്ത്രി മോദിയോട് എന്ത് വെറുപ്പും ഭയവുമാണ് കോണ്ഗ്രസ് നേതാക്കള്ക്ക്. അവര് എല്ലായ്പോഴും ചിന്തിക്കുന്നത് തന്നെ മോദിയെക്കുറിച്ചാണ്.”- അമിത് ഷാ വിമര്ശിച്ചു.
ജമ്മു കശ്മീരിലെ കത്വയില് പ്രസംഗത്തിനിടെ കോണ്ഗ്രസ് അധ്യക്ഷന് മല്ലികാര്ജുന് ഖാര്ഗെ രോഗബാധിതനായി. ഇതേ തുടര്ന്ന് അദ്ദേഹത്തെ ആശുപത്രിയില് പ്രവേശിപ്പിച്ചിരുന്നു. ആശുപത്രിയില് നിന്നും ഡിസ് ചാര്ജ് ചെയ്ത ശേഷമായിരുന്നു ഖാര്ഗെയുടെ മോദിയെക്കുറിച്ചുള്ള ഈ പ്രസ്താവന.
