എറണാകുളം:അങ്കമാലിയില്‍ വീടിനുള്ളില്‍ മരിച്ച നിലയില്‍ കണ്ടെത്തിയ ദമ്പതികളുടെ ഇളയ മകന്‍ ഗുരുതരമായി പൊള്ളലേറ്റ് ചികിത്സയില്‍ ആയിരുന്ന ആസ്തിക് സനല്‍ (4) മരിച്ചു. കഴിഞ്ഞ രാത്രി 12 മണിയോടെയാണ് മില്ലുപടി വെളിയത്ത് വീട്ടില്‍ സനല്‍, ഭാര്യ സുമി സനല്‍ എന്നിവരെ വീടിനുള്ളില്‍ മരിച്ച നിലയില്‍ കണ്ടെത്തിയത്.സനലിനെ തൂങ്ങിയ നിലയിലും സുമിയെ പൊള്ളലേറ്റ് മരിച്ച നിലയിലുമായിരുന്നു കണ്ടെത്തിയത്. ഇവരുടെ രണ്ടു മക്കളില്‍ ഗുരുതര പൊള്ളലേറ്റ ഇളയ മകന്‍ തീവ്രപചരിചരണവിഭാഗത്തില്‍ ചികിത്സയില്‍ കഴിയുകയായിരുന്നു.
അയല്‍വാസി സതീശന്‍ വീടിന്റെ വരാന്തയിലിരിക്കവെയാണ് സനലിന്റെ വീട്ടില്‍ നിന്ന് തീ ഉയരുന്നത് ശ്രദ്ധിച്ചത്. കുട്ടികളുടെ നിലവിളിയും കേട്ടതോടെ ഓടി ചെന്നപ്പോള്‍ തീ ആളി പടരുകയായിരുന്നു. കുട്ടികളെ രക്ഷപെടുത്തി പുറത്ത് എത്തിച്ചു. തീ കെടുത്തിയപ്പോഴാണ് ഒരു മുറിയില്‍ സനലിനെ തൂങ്ങിയ നിലയിലും മറ്റൊരു മുറിയില്‍ സുമിയെ വെന്തുമരിച്ച നിലയിലും കണ്ടെത്തിയത്.
രക്ഷപ്പെടുത്തിയ ആറും പന്ത്രണ്ടും വയസുള്ള കുട്ടികളില്‍ ആറു വയസുകാരന്റെ നില അതീവ ഗുരുതരമായിരുന്നു. ഈ കുട്ടി ഉറക്കത്തിലായിരുന്നപ്പോഴാണ് തീ പടര്‍ന്നത്. വീട്ടില്‍ നിന്ന് ആത്മഹത്യ കുറിപ്പ് പൊലീസ് കണ്ടെത്തി. സാമ്പത്തിക ബാധ്യതയാണ് കാരണമെന്ന് കുറിപ്പില്‍ പറയുന്നു.സുമിയുടെ കൈപ്പടയിലാണ് കുറിപ്പുള്ളത്.
സനല്‍ തൂങ്ങി മരിച്ച ശേഷം സുമി ഗ്യാസ് സിലിണ്ടര്‍ തുറന്നുവിട്ട് തീ കൊളുത്തുകയായിരുന്നു എന്നും തീ കൊളുത്തിയതിന് ശേഷം സനല്‍ തൂങ്ങിമരിച്ചതാവാമെന്നും പൊലീസിന് സംശയമുണ്ട്. അങ്കമാലി തുറവൂര്‍ ജംഗ്ഷനില്‍ അക്ഷയകേന്ദ്രം നടത്തിവരികയിരുന്നു ദമ്പതികള്‍.
പ്രതികരിക്കാൻ ഇവിടെ എഴുതുക: