മഹാത്മാഗാന്ധിയുടെ പേരിൽ കോൺഗ്രസ് അഴിമതി നടത്തുന്നു ; രൂക്ഷ വിമർശനവുമായി രാജസ്ഥാൻ വിദ്യാഭ്യാസ മന്ത്രി

ജയ്പൂർ : മഹാത്മാഗാന്ധിയുടെ പേരിൽ കോൺഗ്രസ് അഴിമതി നടത്തുകയാണെന്ന് ആരോപിച്ച് രാജസ്ഥാൻ വിദ്യാഭ്യാസ മന്ത്രി മദൻ ദിലാവർ. അശോക് ഗെലോട്ടിന്റെ നേതൃത്വത്തിലുള്ള മുൻ കോൺഗ്രസ് സർക്കാർ ഗാന്ധിവതിക മ്യൂസിയം പണിയുന്നതിൽ കൃത്രിമം കാണിക്കുകയും അഴിമതി നടത്തുകയും ചെയ്തുവെന്ന് ജയ്പൂരിലെ ഗാന്ധിവതിക മ്യൂസിയത്തിൽ നടത്തിയ സന്ദർശനത്തിനിടെ ദിലാവർ ആരോപിച്ചു.

മുൻ അശോക് ഗെഹ്‌ലോട്ട് സർക്കാരും ഗാന്ധിവാതിക മ്യൂസിയം പണിയുന്നതിൽ അഴിമതി നടത്തി. മഹാത്മാഗാന്ധിയുടെ പേരിൽ പോലും കോൺഗ്രസ് അഴിമതി നടത്തുകയാണെന്ന് അദ്ദേഹം പറഞ്ഞു.

മഹാറാണാ പ്രതാപ് തുടങ്ങിയ രാജസ്ഥാനിലെ മഹാന്മാരെക്കുറിച്ച് പരാമർശിക്കാതെ ബ്രിട്ടീഷുകാരെ പ്രകീർത്തിക്കുന്ന മ്യൂസിയം നിർമ്മിക്കുമ്പോൾ ഗാന്ധിയുടെ തത്വം കോൺഗ്രസ് ഉയർത്തിപ്പിടിച്ചില്ലെന്ന് അദ്ദേഹം വിമർശിച്ചു.

കൂടാതെ അടിയന്തരാവസ്ഥ ഏർപ്പെടുത്തിയ 1975 നമ്മൾ മറന്നിട്ടില്ല. ഇന്ദിരാഗാന്ധിക്കും രാഹുൽ ഗാന്ധിക്കും ഗാന്ധിജിയുമായി ഒരു ബന്ധവുമില്ലെന്നും അദ്ദേഹം കൂട്ടിച്ചേർത്തു.