മാഞ്ചസ്റ്റര്: മാഞ്ചസ്റ്റര് സിറ്റിയുടെ സ്പാനിഷ് മദ്ധ്യനിര താരം റോഡ്രി ഈ സീസണില് ഇനി കളിക്കില്ല. താരത്തിന്റെ കാലിനേറ്റ പരിക്ക് വളരെ ഗുരുതരമാണ്.
ഞായറാഴ്ച പ്രീമിയര് ലീഗ് പോരാട്ടത്തില് കരുത്തരായ ആഴ്സണലിനെതിരെ നടന്ന വാശിയേറിയ പോരാട്ടത്തിനിടെയാണ് റോഡ്രിയുടെ കാലിന് പരിക്കേറ്റത്. 2-2 സമനിലയില് പിരിഞ്ഞ മത്സരത്തിനിടെ ആഴ്സണലിന്റെ ഘാന താരം തോമസ് പാര്ട്ടെയുമായി കൂട്ടിയിടിച്ചാണ് റോഡ്രിക്ക് പരിക്കേറ്റത്.
ശസ്ത്രക്രിയയ്ക്ക് വിധേയനായ റോഡ്രി ഇപ്പോള് വിശ്രമത്തിലാണ്. സീസണില് ഇനി അദ്ദേഹത്തിന് കളിക്കാനാവില്ലെന്ന വിവരം സിറ്റി പരിശീലകന് പെപ്പ് ഗ്വാര്ഡിയോള ആണ് അറിയിച്ചത്. മദ്ധ്യനിരയില് കളി മെനയാനും ആക്രമിച്ച് കയറി ഗോളടിക്കാനും വിരുതുള്ള സ്പാനിഷ് താരമാണ് റോഡ്രി. കഴിഞ്ഞ സീസണില് സിറ്റി അഞ്ച് കളികളിലാണ് റോഡ്രിയെ കൂടാതെ ഇറങ്ങിയത്. ആതില് നാലിലും ടീം പരാജയപ്പെടുകയായിരുന്നുവെന്ന് സിറ്റി പരിശീലകന് പെപ്പ് ഗ്വാര്ഡിയോള പറഞ്ഞു.
