ലക്നൗ :ഇന്ത്യ വിരുദ്ധ മുദ്രാവാക്യം മുഴക്കിയ ബംഗ്ലാദേശ് ക്രിക്കറ്റ് ആരാധകന് മർദ്ദനം . ഇന്ത്യയും ബംഗ്ലാദേശും തമ്മിലുള്ള രണ്ടാം ടെസ്റ്റ് മത്സരം കാണാനെത്തിയ റോബി ടൈഗർ എന്ന ആരാധകനാണ് തല്ല് കിട്ടിയത് . കാൺപൂരിലെ ഗ്രീൻ പാർക്ക് സ്റ്റേഡിയത്തിൽ വച്ച് നാട്ടുകാരാണ് ഇയാളെ മർദ്ദിച്ചത് .
സ്റ്റേഡിയത്തിൽ വച്ച് ബംഗ്ലാദേശ് ടീമിന്റെ പതാക വീശി തന്റെ ടീമിനെ പിന്തുണച്ച് മുദ്രാവാക്യം വിളിക്കുകയായിരുന്നുവെന്നാണ് റിപ്പോർട്ട് . മാത്രമല്ല ഇന്ത്യക്കെതിരെയും ഇയാൾ മുദ്രാവാക്യം വിളിച്ചതായാണ് സൂചന.
ബംഗ്ലാദേശ് ക്രിക്കറ്റ് ടീമിന്റെ സൂപ്പർ ഫാനാണ് റോബി ടൈഗർ’ . ്റെ ടീമിനെ പിന്തുണയ്ക്കാൻ ഇയാൾ എല്ലാ മത്സര വേദികളിലും എത്താറുണ്ട് . അടിയേറ്റ് അബോധവസ്ഥയിലായ ഇയാളെ ഉടൻ തന്നെ സുരക്ഷാ ഉദ്യോഗസ്ഥർ ആശുപത്രിയിലെത്തിച്ചു.
