കൊച്ചി: ഷിരൂരിലെ മണ്ണിടിച്ചിലില്‍ കാണാതായ കോഴിക്കോട് സ്വദേശി അര്‍ജുന്റെ ലോറിയും മൃതദേഹവും ഗംഗാവലി പുഴയില്‍ നിന്നും കണ്ടെത്തിയതിന് പിന്നാലെ ആദരാഞ്ജലികളുമായി സൂപ്പര്‍താരങ്ങളായ മോഹന്‍ലാലും മമ്മൂട്ടിയും.
72 ദിവസം പ്രതീക്ഷയുടെ ഒരു കണം ബാക്കി വച്ച് നമ്മളും നമ്മളെക്കാള്‍ അര്‍ജുന്റെ കുടുംബവും കാത്തിരുന്നുവെന്ന് മമ്മൂട്ടി ഫേസ്ബുക്ക് പോസ്റ്റില്‍ കുറിച്ചു. ഒടുവില്‍ ഇന്ന് വിട പറയേണ്ടി വന്ന അര്ജുന് ആദരാഞ്ജലികള്‍ നേരുന്നു
അര്‍ജുന്റെ മരണത്തില്‍ അനുശോചിച്ച് നടന്‍ മോഹന്‍ലാലും കുറിപ്പ് പങ്കുവച്ചു. മനമുരുകി പ്രാര്‍ഥിച്ച നാം എല്ലാവരുടെയും ഹൃദയങ്ങളിലേക്ക് നൊമ്പരമായി പ്രിയപ്പെട്ട അര്ജുന്.പ്രിയ സഹോദരന് കണ്ണീരില്‍ കുതിര്‍ന്ന ആദരാഞ്ജലികളെന്ന് മോഹന്‍ലാല്‍ എഴുതി.
നേരത്തെ നടി മഞ്ജു വാര്യരും വൈകാരിക കുറിപ്പ് പങ്കുവച്ചിരുന്നു.
മരിച്ചുവെന്ന് വേദനിക്കാനെങ്കിലും തിരികെക്കിട്ടിയല്ലോ. ഒരു പിടി ചാരമാകാനെങ്കിലും ഒരോര്‍മ. പ്രിയപ്പെട്ട അര്ജുന്, ഇനി നിങ്ങള്‍ മലയാളികളുടെ മനസില്‍ ജീവിക്കും- മഞ്ജു വാര്യര്‍ കുറിച്ചു.
പ്രതികരിക്കാൻ ഇവിടെ എഴുതുക: