തിരുവനന്തപുരം: ഷിരൂർ ദൗത്യത്തില് കർണാടക സർക്കാരിന് നന്ദി അറിയിച്ച് മുഖ്യമന്ത്രി പിണറായി വിജയൻ. സംസ്ഥാനത്തിന്റെ അഭ്യർത്ഥനകളോട് കർണാടക ആത്മാർത്ഥമായി പ്രതികരിച്ചതായി കാട്ടിയാണ് കർണാടക മുഖ്യമന്ത്രി സിദ്ധരാമയ്യയ്ക്ക് പിണറായി വിജയൻ കത്ത് അയച്ചത് .കേരളത്തിന്റെ ആത്മാർത്ഥമായ നന്ദി അറിയിക്കുന്നുവെന്നും പിണറായി വിജയൻ കത്തില് പറഞ്ഞു.
ജൂലൈ 16നാണ് കര്ണാടകയിലെ ഷീരൂരില് നടന്ന മണ്ണിടിച്ചിലില് അര്ജുനെ കാണാതാകുന്നത്. 72 ദിവസം നീണ്ട തിരച്ചിലിനൊടുവിലാണ് അര്ജുന്റെ മൃതദേഹവും ലോറിയും കണ്ടെത്തിയത്. ലോറിയില് അര്ജുന്റെ മൃതദേഹമാണെന്ന് കാര്വാര് എംഎല്എയും അര്ജുന്റെ ബന്ധുക്കളും സ്ഥിരീകരിച്ചു.ഗംഗാവലി പുഴയുടെ 12 മീറ്റര് താഴ്ചയില്നിന്ന് ഉയര്ത്തിയെടുത്ത ലോറിയുടെ കാബിന് നിലവില് കരയോടടുപ്പിച്ചിട്ടുണ്ട്. പൂര്ണ്ണമായും തകര്ന്ന നിലയിലാണ് കാബിനുള്ളത്.
