തിരുവനന്തപുരം: ഇന്ത്യന് സീനിയര് പുരുഷ ദേശീയ ബാസ്കറ്റ്ബോള് ടീം ഒരു എക്സ്പോഷര് യാത്രയ്ക്കായി ദുബായിലാണ്. അമേരിക്കന് കോച്ച് സ്കോട്ട് ഫ്ളെമിംഗ് പരിശീലിപ്പിക്കുന്ന ടീം പ്രാദേശിക ക്ലബ്ബുകളായ അല് ഷാര്ജ ക്ലബ്, അല് വാസല് ക്ലബ്, അല് അഹ്ലി റെഡ് എന്നിവരുമായി മൂന്ന് മത്സരങ്ങളില് മത്സരിക്കും. വൈശാഖ് കെ മനോജും പ്രണവ് പ്രിന്സും ടീമിലെ രണ്ടു മലയാളികള്.
വൈശാഖ് കൊച്ചിയിലെ സെന്ട്രല് ജിഎസ്ടി ആന്ഡ് കസ്റ്റന്സിക്കായി കളിക്കുന്ന താരമാണ്. പ്രണവ് ചെന്നൈയിലെ ഇന്ത്യന് ബാങ്കിന് വേണ്ടിയും കളിക്കുന്നു.
നവംബര് 20ന് ചെന്നൈയില് നടക്കുന്ന ഫിബ ഏഷ്യാ കപ്പ് 2025 ക്വാളിഫയേഴ്സ് (വിന്ഡോ-2) ഹോം ഗെയിമുകള്ക്ക് മുന്നോടിയായി അവരുടെ ഗെയിംപ്ലേ മെച്ചപ്പെടുത്താനുമുള്ള അവസരമാണിത്. അന്തരാഷ്ട്ര പരിചയത്തിനും വേണ്ടിയാണ് ടീം ദുബായില്എത്തിയത്.
ടീം റോസ്റ്റര്: സഹജ് പ്രതാപ് സിംഗ് സെഖോണ്, കന്വാര് ഗുര്ബാസ് സിംഗ് സന്ധു, വൈശാഖ് കരിമ്പിങ്കല് മനോജ്, ഹര്ഷ് ദാഗര്, കുശാല് സിംഗ്, സാംസണ് സ്റ്റീഫന് സന്ധു, മുയിന് ബെക് ഹഫീസ്, ബലധനേശ്വര് പൊയ്യമൊഴി, അരവിന്ദ് കുമാര് മുത്തു കൃഷ്ണന്, പ്രശാന്ത് സിംഗ് റാവത്ത്, പ്രണവ് പ്രിന്സ്, ഹര്ഷേത് സിംഗ്, ഹര്ഷേത് സിംഗ് തൊ. ബ്രാര്, പ്രിന്സ്പാല് സിംഗ്, പിയൂഷ് മീണ.
