സരിത പാണ്ഡെ (ഇടത്ത്) 2023ല്‍ അമേരിക്ക സന്ദര്‍ശിച്ച രാഹുല്‍ ഗാന്ധിയ്‌ക്ക് സ്വന്തമായി വരച്ച സോണിയാഗാന്ധിയുടെ ചിത്രം സരിത പാണ്ഡേ സമ്മാനിക്കുന്നു (വലത്ത്)
ന്യൂദല്‍ഹി: മൂന്നാം ലോകരാജ്യങ്ങളിലെ സര്‍ക്കാരുകളെ അട്ടിമറിച്ച് സ്വന്തം സര്‍ക്കാരുകള്‍ ഉണ്ടാക്കി രസിക്കുന്ന ശതകോടീശ്വരന്‍ ജോര്‍ജ്ജ് സോറോസിന്റെ അജണ്ടകളിലൊന്നായ മോദി സര്‍ക്കാരിനെ അട്ടിമറിക്കല്‍ ഇനിയും പൂര്‍ത്തിയായിട്ടില്ല. അതിനായി സോറോസിന്റെ പണം വാങ്ങി രഹസ്യഅജണ്ടകള്‍ സെറ്റ് ചെയ്യുന്ന പലരില്‍ ഒരാള്‍ കൂടി ഇക്കുറി രാഹുല്‍ ഗാന്ധിയുടെ യുഎസ് സന്ദര്‍ശനസമയത്ത് പുറത്ത് വന്നു. സരിത പാണ്ഡേ.
കഴിഞ്ഞ വര്‍ഷം രാഹുല്‍ ഗാന്ധി വാഷിംഗ്ടണില്‍ സന്ദര്‍ശനം നടത്തിയപ്പോള്‍ സ്വന്തമായി വരച്ച സോണിയാഗാന്ധിയുടെ ഒരു ചിത്രം രാഹുല്‍ ഗാന്ധിയ്‌ക്ക് സരിതാ പാണ്ഡേ സമ്മാനിച്ചിരുന്നു.
2023ല്‍ രാഹുല്‍ ഗാന്ധി അമേരിക്ക സന്ദര്‍ശിച്ചപ്പോള്‍ സരിതാ പാണ്ഡെ നടത്തിയ ട്വീറ്റ്:
താന്‍ ഇത് അമ്മയ്‌ക്ക് നല്‍കും എന്ന് രാഹുല്‍ ഗാന്ധി ഉറപ്പുനല്‍കുകയും ചെയ്തു. പുറമേയ്‌ക്ക് നിഷ്കളങ്കമെന്ന് തോന്നുന്ന ചടങ്ങുകളും കൂടിക്കാഴ്ചകളും. പക്ഷെ ഉള്ളിലുള്ള അജണ്ട ഒന്ന് മാത്രം- മോദി സര്‍ക്കാരിനെ വീഴ്‌ത്തല്‍. അതിനുള്ള അജണ്ടകള്‍ സെറ്റ് ചെയ്ത് കൃത്യമായ കരുനീക്കല്‍ മാത്രം ലക്ഷ്യം.
അറിയാത്തവരുടെ അറിവിലേക്ക് ഇനി സരിതാ പാണ്ഡേയെ ഒന്നുകൂടി പരിചയപ്പെടുത്താം. അമേരിക്കയിലെ മൗലികവാദ ഇസ്ലാമിക ഗ്രൂപ്പായ ഇസ്ലാമിന് വേണ്ടി ശക്തമായി വാദിക്കുന്ന സംഘടനയായ ഇന്ത്യന്‍ അമേരിക്കന്‍ മുസ്ലിം കൗണ്സിലിന്റെ (ഐഎഎംസി) ഡയറക്ടറായ അജിത് സാഹിയുടെ ഭാര്യയാണ് സരിത പാണ്ഡെ. അതായത് ഭര്‍ത്താവിന്റെയും ഭാര്യയുടെയും അജണ്ട വ്യക്തം. രാഹുല്‍ ഗാന്ധി അവരോടൊപ്പം ചേരുന്ന അജണ്ടയും ഇപ്പോള്‍ വ്യക്തമായല്ലോ.
പണ്ട് അഭിന്ദന്‍ മിശ്ര സണ്ടേ ദ സണ്ടേ ഗാര്‍ഡിയനില്‍ എഴുതിയ ഒരു ലേഖനത്തില്‍ രാഹുല്‍ ഗാന്ധിയ്‌ക്ക് പാകിസ്ഥാന്‍ ഡീപ് സ്റ്റേറ്റ് സംഘടനകളായ ഐഎഎംസിയുമായും ഇസ്ലാമിക് സര്‍ക്കിള്‍ ഓഫ് നോര്‍ത്ത് അമേരിക്ക (ഐസിഎന്‍എ)യുമായും ബന്ധമുള്ളത് അപകടകരമാണെന്ന് പ്രത്യേകം ചൂണ്ടിക്കാട്ടിയിരുന്നു. ഷെയ്ഖ് ഉബൈദാണ് 2002ല്‍ ഐഎഎംസി സ്ഥാപിച്ചത്. ഷെയ്ഖ് ഉബൈദിലൂടെ പാകിസ്ഥാനിലെ ലഷ്കര്‍ ഇ ത്വയിബയുമായുംബംഗ്ലാദേശിലെ ജമാ അത്തെ ഇസ്ലാമിയുമായും ഐഎഎംസിയ്‌ക്ക് ബന്ധമുണ്ട്. അങ്ങിനെയുള്ള സരിത പാണ്ഡേയാണ് രാഹുല്‍ ഗാന്ധിയുമായി ഇത്തവണ യുഎസിലെ നാഷണല്‍ പ്രസ് ക്ലബ്ബില്‍ വെച്ച് കൂടിക്കാഴ്ച നടത്തിയത്. സരിത പാണ്ഡേയുടെ ഭര്‍ത്താവ് അജിത് സാഹി ഡയറക്ടറായ ഐഎഎംസിയ്‌ക്ക് ഇപ്പോള്‍ ഇന്ത്യയില്‍ നിരോധിച്ച സിമി (സ്റ്റുഡന്‍റ് ഇസ്ലാമിക് മൂവ്മെന്‍റ് ഓഫ് ഇന്ത്യ)യുമായും അടുത്ത ബന്ധമുണ്ടായിരുന്നു.
യോഗി ആദിത്യനാഥിനെതിരായ ഐഎഎംസിയുടെ ട്വീറ്റ് കാണുക:
ഐഎഎംസിയുടെ ഈ ട്വീറ്റ് കണ്ടോ? ഇതില്‍ യോഗി ആദിത്യനാഥിനെ ഹിന്ദു തീവ്രവാദിയായാണ് മുദ്രകുത്തിയിരിക്കുന്നത്. ഇന്ത്യയിലെ മതന്യൂനപക്ഷങ്ങള്‍ക്കെതിരെ അക്രമം നടത്താന്‍ ആഹ്വാനം ചെയ്യുന്ന നേതാവായാണ് യോഗി ആദിത്യനാഥിനെ ഐഎഎംസി ഈ ട്വീറ്റില്‍ വിശേഷിപ്പിച്ചിരിക്കുന്നത്. 2024ലെ തെരഞ്ഞെടുപ്പില്‍ മോദിയ്‌ക്കെതിരെയും ജോര്‍ജ്ജ് സോറോസ് നേതൃത്വത്തിലുള്ള വിവിധ സംഘടനകള്‍ എത്ര പണമാണ് ഇന്ത്യയില്‍ ഒഴുക്കിയത്, എത്ര രഹസ്യ അജണ്ടകളാണ് പ്രചരിപ്പിച്ചത്. എന്നിട്ടും മോദി ജയിച്ച് കയറിയത് ആ ജനകീയ നേതാവിലുള്ള ജനങ്ങളുടെ വിശ്വാസത്തിന്റെ തെളിവ് തന്നെ. രാഹുല്‍ ഗാന്ധി ഓരോ യുഎസ് സന്ദര്‍ശനത്തിലും എങ്ങിനെയാണ് രാജ്യവിരുദ്ധശക്തികളുമായി കൂടുതല്‍ കൂടുതല്‍ അടുക്കുന്നത് എന്നതിന് തെളിവാണ് സരിത പാണ്ഡെയും ഐഎഎംസിയും അജിത് സാഹിയും എല്ലാം.
പ്രതികരിക്കാൻ ഇവിടെ എഴുതുക