ന്യൂയോര്ക്ക്: ”ഒരു ഭൂമി, ഒരു കുടുംബം, ഒരു ഭാവി” എന്നത് ഇന്ത്യയെ സംബന്ധിച്ചിടത്തോളം, ഒരു പ്രതിബദ്ധതയാണന്ന് പ്രധാനമന്ത്രി നരേന്ദ്ര മോദി . ”ഒരു ഭൂമി, ഒരു ആരോഗ്യം”, ”ഒരു സൂര്യന്, ഒരു ലോകം, ഒരു ഗ്രിഡ്” തുടങ്ങിയ ഞങ്ങളുടെ സംരംഭങ്ങളിൽ ഈ പ്രതിബദ്ധതയാണ് പ്രതിഫലിക്കുന്നത്. യുഎന്നിന്റെ ഭാവിക്കായുള്ള ഉച്ചകോടി പരിപാടിയില് ആഗോള തലത്തിലെ വെല്ലുവിളികള് നേരിടുന്നത് എങ്ങനെ എന്ന വിഷയത്തിലായിരുന്നു പ്രസംഗം.
എല്ലാ മനുഷ്യരാശിയുടെയും അവകാശങ്ങള് സംരക്ഷിക്കുന്നതിനും ആഗോള അഭിവൃദ്ധിക്കും വേണ്ടിയുമുള്ള പ്രവര്ത്തനം ചിന്തകളിലും വാക്കുകളിലും പ്രവർത്തനങ്ങളിലും ഇന്ത്യ തുടരും.നരേന്ദ്ര മോദി പറഞ്ഞു.
ആഗോള സമാധാനവും വികസനവും ഉറപ്പാക്കാന് അന്താരാഷ്ട്ര സംഘടനകള് പരിഷ്കരിക്കണമെന്ന് യുഎന് രക്ഷാ സമിതിയില് ഇന്ത്യയുടെ സ്ഥിരാംഗത്വം പരോക്ഷമായി സൂചിപ്പിച്ച് പ്രധാനമന്ത്രി പറഞ്ഞു.
ലോകത്ത് ഏഷ്യന് ആഫ്രിക്കന് രാജ്യങ്ങളുടെ ഐക്യം അനിവാര്യമാണെന്നും യുഎന് പൊതുസഭയില് പറഞ്ഞു. ഗ്ലോബല് സൗത്തിന് വേണ്ടി നിലകൊള്ളണം.
സുസ്ഥിര വികസനം വിജയകരമായി നടപ്പാക്കിയ രാജ്യമാണ് ഇന്ത്യയെന്ന് അദ്ദേഹം പറഞ്ഞു. 250 ദശലക്ഷം ജനങ്ങളെ ദാരിദ്ര്യത്തില് നിന്ന് കരകയറ്റി. ഇന്ത്യയുടെ പൊതു ഡിജിറ്റല് സംവിധാനങ്ങള് ലോകവുമായി പങ്കുവെക്കാന് ഇന്ത്യ സന്നദ്ധമാണ്. ഭീകരവാദം ആഗോള സമാധാനത്തിന് ഭീഷണിയായി തുടരുകയാണ്. സൈബര്, ബഹിരാകാശം, സമുദ്രങ്ങള് എന്നിവ സംഘര്ഷത്തിന്റെ പുതിയ ഇടങ്ങളായി മാറുന്നുവെന്നും അദ്ദേഹം പറഞ്ഞു.
ആഗോള ഭാവിയെക്കുറിച്ച് ചര്ച്ച ചെയ്യുമ്പോള്, മനുഷ്യ കേന്ദ്രീകൃത സമീപനത്തിന് നാം ഏറ്റവും ഉയര്ന്ന മുന്ഗണന നല്കണം. സുസ്ഥിര വികസനത്തിന് മുന്ഗണന നല്കുമ്പോഴും, മനുഷ്യക്ഷേമം, ഭക്ഷണം, ആരോഗ്യം എന്നിവയുടെ സുരക്ഷയും നാം ഉറപ്പാക്കണം. ഇന്ത്യയിലെ 250 ദശലക്ഷം ജനങ്ങളെ ദാരിദ്ര്യത്തില് നിന്ന് കരകയറ്റുന്നതിലൂടെ, സുസ്ഥിര വികസനം വിജയകരമാക്കാമെന്ന് ഞങ്ങള് തെളിയിച്ചു. ഗ്ലോബല് സൗത്ത് ആകമാനമായും ഞങ്ങളുടെ ഈ വിജയ അനുഭവം പങ്കിടാന് ഞങ്ങള് തയ്യാറാണ്.
യുദ്ധക്കളത്തിലല്ല നമ്മുടെ കൂട്ടായ ശക്തിയിലാണ് മനുഷ്യത്വത്തിന്റെ വിജയം കിടക്കുന്നത്. ആഗോള സമാധാനത്തിനും വികസനത്തിനും ആഗോള സ്ഥാപനങ്ങളില് പരിഷ്കാരങ്ങള് അനിവാര്യമാണ്. പരിഷ്കരണമാണ് പ്രസക്തിയുടെ താക്കോല്! ആഫ്രിക്കന് യൂണിയന് ജി20 യുടെ സ്ഥിരാംഗത്വം ന്യൂഡല്ഹി ഉച്ചകോടിയില് ഉറപ്പാക്കിയത് ഈ ദിശയിലുള്ള ഒരു സുപ്രധാന ചുവടുവയ്പായിരുന്നു. തീവ്രവാദം ആഗോള സമാധാനത്തിനും സുരക്ഷയ്ക്കും ഗുരുതരമായ ഭീഷണിയായി ഒരു വശത്ത്, തുടരുമ്പോള്, മറുവശത്ത്, സൈബര്, സമുദ്രം, ബഹിരാകാശം തുടങ്ങിയ മേഖലകള് സംഘര്ഷത്തിന്റെ പുതിയ വേദികളായി ഉയര്ന്നുവരുന്നു. ഈ പ്രശ്നങ്ങളിലെല്ലാം, ആഗോള അഭിലാഷവുമായി പൊരുത്തപ്പെടണതാകണം ആഗോള പ്രവർത്തനങ്ങളെന്ന് ഊന്നിപ്പറയുന്നു!
സാങ്കേതികവിദ്യയുടെ സുരക്ഷിതവും ഉത്തരവാദിത്തമുള്ളതുമായ ഉപയോഗത്തിന് സന്തുലിതമായ നിയന്ത്രണം ആവശ്യമാണ്. ദേശീയ പരമാധികാരവും അഖണ്ഡതയും ഉയര്ത്തിപ്പിടിക്കുന്നത് ഉറപ്പാക്കുന്ന ആഗോള ഡിജിറ്റല് ഭരണസംവിധാനമാണ് നമുക്ക് വേണ്ടത്. പൊതു ഡിജിറ്റല് അടിസ്ഥാനസൗകര്യങ്ങള് തടസമല്ലാതെ ഒരു പാലമാകണം! ആഗോള നന്മയ്ക്കായി ഇന്ത്യ അതിന്റെ പൊതു ഡിജിറ്റല് അടിസ്ഥാന സൗകര്യങ്ങള് ലോകമാകെയുമായി പങ്കിടാന് തയ്യാറാണ്.
