കോട്ടയം: തുടക്കം മുതല്‍ കൈവിട്ട കളിയാണ് പി വി അന്‍വര്‍ കളിച്ചത്. എഡിജിപി അജിത് കുമാറിനെയും പൊളിറ്റിക്കല്‍ സെക്രട്ടറി പി ശശിയെയും ലക്ഷ്യമിടുന്നുവെന്ന മട്ടില്‍ ഉയര്‍ത്തിയ ആരോപണങ്ങളെല്ലാം മുഖ്യമന്ത്രിക്കുനേരെയായിരുന്നു. ഇക്കാര്യത്തില്‍ സിപിഎമ്മിലെ വിമത വിഭാഗത്തിന്റെ പിന്തുണ തനിക്ക് ലഭിക്കുമെന്ന പ്രതീക്ഷയിലായിരുന്നു അന്‍വര്‍. പാര്‍ട്ടി സെക്രട്ടറി എം വി ഗോവിന്ദന്റെ പിന്തുണയും തനിക്കുണ്ടെന്ന് അന്‍വര്‍ ചിലരോട് അവകാശപ്പെട്ടിരുന്നു. എന്നാല്‍ വിചാരിച്ചപോലെ പാര്‍ട്ടിയില്‍ നിന്നുള്ള പരസ്യ പിന്തുണ ലഭിക്കില്ലെന്ന് ബോധ്യമായതോടെ അന്‍വര്‍ ജീവന്‍ മരണ പോരാട്ടത്തിലാണ്. ഒരു രക്തസാക്ഷിയായി പുറത്തു പോകേണ്ടിവരും എന്ന അവസ്ഥയിലായി അന്‍വര്‍. മുഖ്യമന്ത്രി പരസ്യമായി തള്ളിപ്പറഞ്ഞതോടെ ഇനി മുന്നണി സംരക്ഷണം പ്രതീക്ഷിക്കേണ്ടതില്ല.
ഇന്നലെ നടത്തിയ പത്രസമ്മേളനത്തില്‍ ശശിക്കെതിരെ കണ്ണൂരിലെ പാര്‍ട്ടിക്കാര്‍ പോലും തന്നെ സമീപിച്ചുവെന്ന് അന്‍വര്‍ പറഞ്ഞിരുന്നു.ഇത് വിമത നേതാക്കളുടെ പിന്തുണ പരസ്യമായി അഭ്യര്‍ത്ഥിച്ചതിനെ തുല്യമാണ്. എന്നാല്‍ പ്രതീക്ഷിച്ച പ്രതികരണം ഉണ്ടായിട്ടില്ല. മുഖ്യമന്ത്രി പത്രസമ്മേളനം വിളിച്ചിട്ടുണ്ടെന്ന് അറിഞ്ഞിട്ടും അതിനു മുന്നേ പത്രസമ്മേളനം നടത്തി ആരോപണങ്ങള്‍ ആവര്‍ത്തിച്ചു, അന്‍വര്‍. അതൊരു വെല്ലുവിളിയായിരുന്നു. അതു പിണറായിക്കു മനസിലാവുകയും ചെയ്തു. അന്‍വറിനെ നിരായുധനാക്കുന്ന നീക്കമാണ് പത്രസമ്മേളനത്തില്‍ പിണറായി സ്വീകരിച്ചതും.
Friday, December 27, 2024
എരികേറ്റി വിട്ട സിപിഎംവിമതര്‍ പാലം വലിച്ചു, പി വി അന്‍വര്‍ ജീവന്‍മരണ പോരാട്ടത്തിലാണ്
ബന്ധപ്പെട്ട വാര്‍ത്തകള്‍
പുതിയ വാര്‍ത്തകള്‍
പ്രതികരിക്കാൻ ഇവിടെ എഴുതുക: