വയനാട് :നവജാത ശിശുവിനെ കൊലപ്പെടുത്തിയെന്ന് സമ്മതിച്ച് നേപ്പാള്‍ സ്വദേശികള്‍. പൊലീസിന്റെ ചോദ്യം ചെയ്യലിലാണ് പ്രതികളായ മഞ്ജു, ഭര്‍ത്താവ് അമര്‍, മകന്‍ റോഷന്‍ എന്നിവരുടെ കുറ്റ സമ്മതം.
കല്‍പ്പറ്റയില്‍ നവജാത ശിശുവിനെ ഭര്‍ത്താവും മാതാപിതാക്കളും ചേര്‍ന്ന് കൊലപ്പെടുത്തിയെന്ന പരാതിയുമായാണ് നേപ്പാള്‍ സ്വദേശിനി പാര്‍വതി പൊലീസ് സ്‌റ്റേഷനിലെത്തിയത്. റോഷന്റെ ഭാര്യയാണ് പാര്‍വതി.
ഗര്‍ഭം അലസിപ്പിക്കാന്‍ മഞ്ജു മരുന്ന് നല്‍കിയെന്നാണ് പാര്‍വതിയുടെ പരാതി. ഏഴാം മാസത്തില്‍ പാര്‍വതി ആണ്‍കുട്ടിയെ പ്രസവിച്ചു.എന്നാല്‍
ജനിച്ചതിന്റെ തൊട്ടടുത്ത ദിവസം കുഞ്ഞിനെ കഴുത്തു ഞെരിച്ച് കൊലപ്പെടുത്തി. ഇതിനുശേഷം ബാഗിലാക്കി കുഴിച്ചുമൂടുകയായിരുന്നു. കഴിഞ്ഞ മേയ് മാസത്തിലാണ് സംഭവമെന്നും പൊലീസിനോട് യുവതി പറഞ്ഞു.
മഞ്ജുവിന് സംരക്ഷണം ഒരുക്കിയത് ഭര്‍ത്താവും മകനുമാണെന്ന് പൊലീസ് പറഞ്ഞു. അതേസമയം, മൃതദേഹം എവിടെ ഉപേക്ഷിച്ചുവെന്ന് കണ്ടെത്താനായില്ല.
പാര്‍വതിയുടെ പരാതിയെ തുടര്‍ന്ന് കല്‍പ്പറ്റയിലെ വീട്ടില്‍ പൊലീസ് പരിശോധന നടത്തി. അന്വേഷണം തുടരുകയാണെന്നും നിലവില്‍ വീട്ടില്‍ നിന്ന് ഒന്നും കണ്ടെത്താനായിട്ടില്ലെന്നും പൊലീസ് അറിയിച്ചു.
പ്രതികരിക്കാൻ ഇവിടെ എഴുതുക: