തെളിവെടുപ്പിന് കൊണ്ടുപോകവെ മോഷണ കേസ് പ്രതി കടന്നുകളഞ്ഞു

ആലപ്പുഴ: തെളിവെടുപ്പിന് കൊണ്ടുപോകവെ പൊലീസിനെ കബളിപ്പിച്ച് മോഷണ കേസ് പ്രതി കടന്നുകളഞ്ഞു. തൃശൂര്‍ വാടാനപ്പള്ളി സ്വദേശി ബാദുഷ (33) ആണ് പൊലീസിനെ വെട്ടിച്ച് രക്ഷപ്പെട്ടത്.

ആലപ്പുഴ എസ്.ഡി കോളേജിന് സമീപമായിരുന്നു സംഭവം. തൃശൂര്‍ മതിലകം പൊലീസ് അറസ്റ്റ് ചെയ്ത പ്രതിയാണ് തെളിവെടുപ്പിന് കൊണ്ടുപോകും വഴി രക്ഷപ്പെട്ടത്.

ഇവര്‍ ഭക്ഷണം കഴിക്കാന്‍ തട്ടുകടയില്‍ വാഹനം നിര്‍ത്തിയിരുന്നു. ഈ സമയത്താണ് കൈയ്യില്‍ വിലങ്ങുമായി പ്രതി കടന്നത്.