ന്യൂദല്‍ഹി: സംവരണം നിര്‍ത്തലാക്കണമെന്ന് അമേരിക്കയില്‍ പ്രസംഗിച്ച രാഹുല്‍ ഗാന്ധിയുടെ നാവരിയണമെന്ന് ഷിന്‍ഡേ പക്ഷം ശിവസേനാനേതാവായ സഞ്ജയ് ഗെയ്ക് വാദ്. ഈ പ്രസ്താവനയുടെ പേരില്‍ അദ്ദേഹത്തെ അറസ്റ്റ് ചെയ്യണമെന്ന് ആവശ്യപ്പെട്ട് മഹാരാഷ്‌ട്രയിലെ കോണ്‍ഗ്രസ് നേതാക്കള്‍ മഹാരാഷ്‌ട്ര പൊലീസ് കമ്മീഷണറെ കണ്ടു.
ഇന്ത്യ ഒരു മികച്ച രാജ്യമായി മാറിയാല്‍ സംവരണം നിര്‍ത്തണമെന്ന് അമേരിക്കയിലെ ജോര്‍ജ്ജ് ടൗണ്‍ യുണിവേഴ്സിറ്റിയിലെ വിദ്യാര്‍ത്ഥികളോട് രാഹുല്‍ ഗാന്ധി നടത്തിയ പ്രസംഗം വിവാദമാവുകയാണ്. സംവരണം നിര്‍ത്തണമെന്ന് ആവശ്യപ്പെട്ട രാഹുല്‍ ഗാന്ധിയുടെ നാവരിയണമെന്നായിരുന്നു സഞ്ജയ് ഗെയ്ക് വാദ് പ്രതികരിച്ചത്.
മഹാരാഷ്‌ട്ര കോണ്‍ഗ്രസ് നേതാവ് വര്‍ഷ ഗെയ്ക് വാദിന്റെ നേതൃത്വത്തില്‍ കോണ്‍ഗ്രസ് നേതാക്കള്‍ മഹാരാഷ്‌ട്ര പൊലീസ് കമ്മീഷണര്‍ ഫന്‍സാല്‍കറെ കണ്ട് സഞ്ജയ് ഗെയ്ക് വാദിനെതിരെ ക്രിമിനല്‍ കേസെടുക്കണമെന്ന് ആവശ്യപ്പെട്ടു.
പ്രതികരിക്കാൻ ഇവിടെ എഴുതുക: