കൊല്ലം:മൈനാഗപ്പള്ളി ആനൂര്ക്കാവില് യുവതിയെ കാറിടിച്ചു വീഴ്ത്തി കൊലപ്പെടുത്തിയ സംഭവത്തിലെ പ്രതി അജ്മലിനെതിരെ ഗുരുതര ആരോപണവുമായി മറ്റൊരു പ്രതി ഡോ.ശ്രീക്കുട്ടിയുടെ അമ്മ സുരഭി.മകളെ അജ്മല് കുടുക്കിയെന്നും സ്വര്ണാഭരണങ്ങള് ഉള്പ്പെടെ തട്ടിയെടുത്തെന്നും സുരഭി ആരോപിച്ചു.
അതിനിടെ ഡോ. ശ്രീക്കുട്ടിയും അജ്മലും സഞ്ചരിച്ച കാറിന് അപകട സമയത്ത് ഇല്ലാതിരുന്ന ഇന്ഷ്വറന്സ് അപകടശേഷം പുതുക്കിയെന്ന് കണ്ടെത്തി. അപകട ശേഷം ഓണ്ലൈന് വഴിയാണ് KL 23Q9347 എന്ന കാറിന്റെ ഇന്ഷ്വറന്സ് പുതുക്കിയത്. ഇന്ഷ്വറന്സ് പുതുക്കിയതില് പൊലീസ് അന്വേഷണം തുടങ്ങി.
കേസില് ശാസ്താംകോട്ട പൊലീസ് പ്രതികളെ കസ്റ്റഡിയില് വാങ്ങും. ഒന്നാം പ്രതി അജ്മലിനെയും രണ്ടാം പ്രതി ഡോക്ടര് ശ്രീക്കുട്ടിയെയും കസ്റ്റഡിയില് വാങ്ങി തെളിവെടുപ്പ് അടക്കമുള്ള നടപടികള് പൂര്ത്തിയാക്കാനാണ് നീക്കം. ഇരുവരെയുംശാസ്താംകോട്ട കോടതി 14 ദിവസത്തേക്ക് റിമാന്ഡ് ചെയ്തിരുന്നു. മനപ്പൂര്വ്വമുള്ള നരഹത്യ കുറ്റമാണ് ഇരുവര്ക്കുമെതിരെ ചുമത്തിയിട്ടുള്ളത്.
മദ്യലഹരിയിലായിരുന്ന പ്രതികള് രാസലഹരി ഉപയോഗിച്ചിരുന്നോ എന്നതും പൊലീസ് അന്വേഷിക്കുന്നുണ്ട്.
ജന്മഭൂമി ഓണ്ലൈന്