കാബൂള്‍: അഫ്ഗാനിസഥാനിലെ പോളിയോ വാക്സിനേഷന്‍ താലിബാന്‍ നിര്‍ത്തിവെച്ചതായി ഐക്യരാഷ്ട്രസഭ അറിയിച്ചു. സപ്തംബറിലെ കുത്തിവെപ്പ് ആരംഭിക്കുന്നതിനു തൊട്ടുമുന്‍പാണ് വിവരം യുഎന്‍ ഏജന്‍സികള്‍ അറിയുന്നത്. തീരുമാനത്തിനു പിന്നിലെ കാരണം താലിബാന്‍ വ്യക്തമാക്കിയിട്ടില്ല.
വീടുകള്‍ തോറും പോയി വാക്സിന്‍ നല്‍കുന്നതിനു പകരം പള്ളികള്‍ പോലുള്ള പൊതുസ്ഥലത്തുവെച്ച് വാക്സിന്‍ നല്‍കുന്ന രീതിയിലേക്കു മാറാന്‍ അഫ്ഗാന്‍ ആലോചിക്കുന്നതായി ആഗോള പോളിയോ നിര്‍മാര്‍ജന യജ്ഞത്തിന് വിവരം ലഭിച്ചിരുന്നു.
പോളിയോ രോഗത്തെ പൂര്‍ണമായും തുടച്ചുനീക്കാനാകാത്ത രാജ്യങ്ങളാണ് അഫ്ഗാനിസ്ഥാനും മറ്റൊന്ന് പാകിസ്ഥാനും. ഈ വര്‍ഷം 18 പേര്‍ക്കാണ് അഫ്ഗാനിസ്ഥാനില്‍ പോളിയോ ബാധിച്ചതായി ലോകാരോഗ്യ സംഘടന സ്ഥിരീകരിച്ചിരുന്നു. കഴിഞ്ഞ വര്‍ഷത്തേതിനേക്കാള്‍ കൂടുതലാണിത്.
ഇസ്രയേല്‍-ഹമാസ് യുദ്ധം നടക്കുന്ന ഗാസയില്‍ വാക്സിനെടുക്കാത്ത പത്തുമാസമുള്ള കുഞ്ഞിന് പോളിയോബാധ സ്ഥിരീകരിച്ചിരുന്നു. 25 വര്‍ഷത്തിനുശേഷമാണ് ഗാസയില്‍ പോളിയോ ബാധ സ്ഥിരീകരിക്കുന്നത്.
പ്രതികരിക്കാൻ ഇവിടെ എഴുതുക