പൂച്ചാക്കല്: സേവാഭാരതി പാണാവള്ളിയുടെ തലചായ്ക്കാന് ഒരിടം എന്ന പദ്ധതിയില്, വാലുമ്മേല് വീട്ടില് പരേതനായ രാജേഷിന്റെ കുടുംബത്തിന് വേണ്ടി നിര്മ്മിച്ച വീടിന്റെ താക്കോല്ദാനം രാഷ്ട്രീയ സ്വയംസേവക സംഘം ദക്ഷിണ പ്രാന്ത കാര്യവാഹ് ടി.വി പ്രസാദ് ബാബു നിര്വഹിച്ചു.
പ്രസിഡന്റ് ഗിരീഷ്കുമാര് അദ്ധ്യക്ഷനായി. ബിജെപി ജില്ലാ ജനറല് സെക്രട്ടറി വിമല് രവീന്ദ്രന് മുഖ്യ പ്രഭാഷണം നടത്തി. പാണാവള്ളി ഖണ്ഡ് സമ്പര്ക്ക പ്രമുഖ് പി.ഡി. അനില്കുമാര് ഭാരത് മാതാവിന്റെ ഫോട്ടോ സമര്പ്പിച്ചു. സേവാഭാരതി ജില്ല വൈസ് പ്രസിഡന്റ് അഡ്വ. നിഷ കിഷോര് ശ്രീകൃഷ്ണ വിഗ്രഹവും പാണാവള്ളി സേവാഭാരതി ജോ. സെക്രട്ടറി അഞ്ജു അനീഷ് നിലവിളക്ക് സമര്പ്പണവും നടത്തി.
ആര്എസ്എസ് പാണാവള്ളി ഖണ്ഡ് സംഘചാലക് ടി.ജി. മുരളീധരന് തുളസി തൈ നട്ടു. മന്നത്ത് ഉണ്ണികൃഷ്ണന് ആദരം നടത്തി. പാണാവള്ളി ഖണ്ഡ് കാര്യവാഹ് വി.വിനീത് സംസാരിച്ചു. ആര്എസ്എസ് ആലപ്പുഴ ജില്ല ബൗദ്ധിക് പ്രമുഖ് വി.വിനോദ് സ്വാഗതവും, സേവാഭാരതി സെക്രട്ടറി പി.എം.അഭിലാഷ് നന്ദിയും പറഞ്ഞു.
