കൊച്ചി: കൊച്ചി മെട്രോ റെയില്‍ ലിമിറ്റഡ് എം.ഡി ആയി ലോക്‌നാഥ് ബെഹ്‌റ തുടരും. ബെഹ്‌റയുടെ കാലാവധി ഒരു വര്‍ഷം കൂടി നീട്ടി.
കൊച്ചി വാട്ടര്‍ മെട്രോ നിര്‍ണായക ഘട്ടത്തില്‍ ആണെന്നും കാലാവധി നീട്ടണമെന്നും ആവശ്യപ്പെട്ട് ലോക്‌നാഥ് ബെഹ്‌റ സര്‍ക്കാരിന് കത്ത് നല്‍കിയിരുന്നു. ഇതോടെയാണ് കാലാവധി നീട്ടി സര്‍ക്കാര്‍ ഉത്തരവിറക്കിയത്.
പൊലീസ് മേധാവിയായി വിരമിച്ച ലോക്‌നാഥ് ബെഹ്‌റയെ 2021 ആഗസ്ത് 27നാണ് കൊച്ചി മെട്രോ എം.ഡിയായി സര്‍ക്കാര്‍ നിയമിച്ചത്.മൂന്ന് വര്‍ഷത്തേക്കായിരുന്നു നിയമനം.
2024 ആഗസ്ത് 29 ന് ബെഹ്‌റയുടെ കാലാവധി പൂര്‍ത്തിയായി.ഇതിനിടെ കൊച്ചി മെട്രോ റയില്‍ പദ്ധതിയുടെ രണ്ടാം ഘട്ടവും കൊച്ചി വാട്ടര്‍ മെട്രോയും നിര്‍ണായക ഘട്ടത്തിലാണെന്നും കാലാവധി ഒരു വര്‍ഷം കൂടി നീട്ടണമെന്നും ചൂണ്ടിക്കാട്ടി ബഹ്‌റ സര്‍ക്കാരിന് കത്ത് നല്‍കി.
ഈ ആവശ്യമാണ് അംഗീകരിച്ചത്. 2025 ആഗസ്ത് 29 വരെ ലോക്‌നാഥ് ബെഹ്‌റ കൊച്ചി മെട്രോ റെയില്‍ ലിമിറ്റഡിന്റെ എം.ഡി ആയി തുടരും.
പ്രതികരിക്കാൻ ഇവിടെ എഴുതുക